এলাহাবাদ উচ্চ ন্যায়ালয়ে লক্ষ্ণৌ বিশ্ববিদ্যালয়ৰ জ্যোতিষ শাস্ত্ৰ বিভাগক এগৰাকী মহিলা মাংগলিক হয় নে নহয় জানিবলৈ তেওঁৰ জন্ম কুণ্ডলী বিশ্লেষণ কৰি চাবলৈ নিৰ্দেশ দিছিল। কিন্তু শনিবাৰে উচ্চতম ন্যায়ালয়ে এলাহাবাদ উচ্চ ন্যায়ালয়ৰ নিৰ্দেশ স্থগিত ৰাখে। দৰাচলতে এজন পুৰুষে বিয়াৰ প্ৰতিশ্ৰুতিৰে এগৰাকী মহিলাক ধৰ্ষণ কৰাৰ অভিযোগ উঠিছিল। সেই গোচৰত মহিলাগৰাকীয়ে জামিনৰ বাবে আবেদন কৰিছিল। সেই গোচৰত আদালতে সেই বিশেষ নিৰ্দেশ দিছিল।
অভিযুক্তই আদালতত কৈছিল যে মহিলাগৰাকীৰ মংগলিক দোষ থকাৰ বাবেই শেষত বিবাহ কৰিব পৰা নগ’ল।
ইপিনে, উচ্চতম ন্যায়ালয়ে গোচৰৰ শুনানিত জ্যোতিষ শাস্ত্ৰৰ দৰে কাকো ব্যক্তিগত বিষয়ৰ সৈতে আদালতে জড়িত নকৰে বুলি কয়।
লগতে পঢ়ক: প্ৰকৃত সেনানী! কৰমণ্ডলত মোবাইলৰ পোহৰত উদ্ধাৰ কাৰ্য আৰম্ভ কৰা সেই নায়কসকলৰ কথা জানেনে?
ন্যায়াধীশ সুধাংশু ধুলীয়া, পংকজ মিট্টালৰ বিচাৰপীঠে উচ্চ ন্যায়ালয়ৰ নিৰ্দেশত স্থগিতাদেশ জাৰি কৰে।
বাতৰি অনুসৰি, দেশৰ এলাহাবাদ উচ্চ ন্যায়ালয়ৰ একক বিচাৰপীঠে ২৩ মে’ত এক নিৰ্দেশত শীৰ্ষ আদালতে স্থগিতাদেশ জাৰি কৰিছে । এই গোচৰৰ বিষয়বস্তুৰ বিষয়ে অৱশ্যে সৰ্বোচ্চ আদালতে একো কোৱা নাই।
জানিব পৰা মতে, হিন্দু জ্যোতিষৰ মতে মংগল গ্ৰহৰ প্ৰভাৱত জন্ম লোৱাসকলক মংগলিক বুলি কোৱা হয়। আৰু সেই সকলো মানুহৰ মাংগলিক দোষ থকা বুলি কোৱা হয়। বৈবাহিক জীৱনতো তেওঁলোকে বিভিন্ন প্ৰতিকূল পৰিস্থিতিৰ সন্মুখীন হ’বলগীয়া হয়। কিন্তু বহুতৰ মতে এইবোৰ কেৱল অন্ধবিশ্বাস। আকৌ বহুতৰ মতে ই বিশ্বাসৰ ওপৰত ভিত্তি কৰি গঢ় লৈ উঠিছে, বাস্তৱত কোনো ভিত্তি নাই। কিন্তু গোটেই কথাটো বিতৰ্কৰ আওতালৈ আহিছে।
ইপিনে, মহিলাগৰাকীৰ হৈ অধিবক্তাগৰাকীয়ে কয় যে মহিলাগৰাকী মাংগলিক নহয়। কিন্তু লক্ষ্ণৌ বিশ্ববিদ্যালয়ৰ জ্যোতিষ বিভাগত জন্ম কুণ্ডলীখন জমা দিব লাগে বুলি এলাহাবাদ উচ্চ ন্যায়ালয়ে নিৰ্দেশ দিয়ে। আনকি বন্ধ খামত তিনি সপ্তাহৰ ভিতৰত প্ৰতিবেদন দাখিল কৰিবলৈও নিৰ্দেশ দিয়া হৈছিল।
অৱশ্যে ছলিচিটৰ জেনেৰেল তুষাৰ মেহতাই কয় যে উচ্চ ন্যায়ালয়ৰ এই নিৰ্দেশ অতি অস্বস্তিকৰ। এই নিৰ্দেশ স্থগিত ৰখাৰ প্ৰয়োজন।
লগতে পঢ়ক: চাৰি বছৰীয়া হ’ব স্নাতকৰ পাঠ্যক্ৰম : নতুন শিক্ষানীতি উদ্বোধন কৰি ঘোষণা কৰিলে মুখ্যমন্ত্ৰীয়ে
তেওঁ জনাইছে যে কোনোবাই মাংগলিক হয় নে নহয় বুলি কোনেও প্ৰশ্ন কৰা নাই। জ্যোতিষ হৈছে বিজ্ঞান। কিন্তু প্ৰশ্ন হৈছে আদালতে এই নিৰ্দেশ দিব পাৰেনে?
