টুইটাৰৰ সহ-প্ৰতিষ্ঠাপক তথা প্ৰাক্তন মুখ্য কাৰ্যবাহী বিষয়া জেক ডৰ্চিয়ে দাবী কৰে যে কৃষকৰ আন্দোলনৰ সময়ত চৰকাৰৰ বিৰোধিতা কৰা একাউণ্ট বন্ধ কৰিবলৈ ভাৰতে ‘হেঁচা’ দিছিল। কেন্দ্ৰীয় মন্ত্ৰী ৰাজীৱ চন্দ্ৰশেখৰে এতিয়া তেওঁৰ এই দাবীৰ প্ৰত্যুত্তৰ দিছে। তেওঁ কয় যে ডৰ্চিয়ে সম্পূৰ্ণ মিছা কথা কৈছে। টুইটাৰে বাৰে বাৰে ভাৰতীয় আইন উলংঘা কৰি আহিছে।
কেন্দ্ৰীয় মন্ত্ৰীগৰাকীয়ে কয়, “এয়া জেক ডৰ্চিয়ে কোৱা এটা গোকাট মিছা – হয়তো টুইটাৰৰ ইতিহাসৰ সেই অতি সন্দিগ্ধ সময়ছোৱাক মচি পেলোৱাৰ প্ৰয়াস। ডৰ্চি আৰু তেওঁৰ দলৰ অধীনত টুইটাৰে বাৰে বাৰে আৰু ধাৰাবাহিকভাৱে ভাৰতীয় আইন উলংঘা কৰিছিল। ২০২০ চনৰ পৰা ২০২২ চনলৈকে বাৰে বাৰে আইন উলংঘা কৰিছিল আৰু অৱশেষত ২০২২ চনৰ জুন মাহত তেওঁলোকে মানি লৈছিল। কোনো জে’ললৈ যোৱা নাছিল, নাইবা টুইটাৰ ‘বন্ধ’ হোৱা নাছিল।”
লগতে পঢ়ক: তিক্ত সম্পৰ্ক! এমাহৰ ভিতৰত শেষ ভাৰতীয় সাংবাদিকজনেও এৰিব লাগিব চীন; নিৰ্দেশ বেইজিঙৰ
দৰাচলতে টুইটাৰৰ সহ-প্ৰতিষ্ঠাপক জেক ডৰ্চিয়ে এক সাক্ষাৎকাৰৰ সময়ত দাবী কৰিছিল যে ভাৰত চৰকাৰে তেওঁক কৃষকৰ আন্দোলন সামৰি লোৱা একাউণ্টবোৰ ব্লক কৰিবলৈ হেঁচা প্ৰয়োগ কৰিছিল। চৰকাৰৰ বিৰোধিতা কৰি থকা এনে একাউণ্ট বন্ধ কৰিবলৈ কোৱা হৈছিল। কেৱল এয়াই নহয়, ভাৰতত টুইটাৰ বন্ধ কৰাৰ ভাবুকিও আহিছিল।
টুইটাৰৰ প্ৰাক্তন মুখ্য কাৰ্যবাহী বিষয়াগৰাকীয়ে লগতে কয় যে কৃষকৰ আন্দোলন সন্দৰ্ভত চৰকাৰক সমালোচনা কৰা এনে সাংবাদিকৰ একাউণ্টো বন্ধ কৰিবলৈ ভাৰত চৰকাৰে অনুৰোধ জনাইছিল। এইটো দেখি মোৰ এনে লাগিছিল যে যদি টুইটাৰে এই কাম নকৰে তেন্তে ইয়াক ভাৰতত বন্ধ কৰি দিয়া হ’ব আৰু ভাৰতত ইয়াৰ কৰ্মচাৰীৰ ঘৰত অভিযান চলোৱা হ’ব। অৱশ্যে ডৰ্চিয়ে কয় যে ভাৰত এখন গণতান্ত্ৰিক দেশ।
This is an outright lie by @jack – perhaps an attempt to brush out that very dubious period of twitters history
Facts and truth@twitter undr Dorsey n his team were in repeated n continuous violations of India law. As a matter of fact they were in non-compliance with law… https://t.co/SlzmTcS3Fa
— Rajeev Chandrasekhar 🇮🇳 (@RajeevRC_X) June 13, 2023
ডাৰ্চিয়ে কয় যে তুৰস্কতো ভাৰতৰ দৰেই সমস্যাৰ সন্মুখীন হৈছিল। তাত থকা চৰকাৰেও টুইটাৰ বন্ধ কৰাৰ হুংকাৰ দিছিল। আচলতে ডৰ্চিয়ে এটা প্ৰশ্নৰ উত্তৰ দিছিল য’ত তেওঁক সোধা হৈছিল যে তেওঁ বিগত বছৰবোৰত বিদেশী চৰকাৰৰ হেঁচাত পৰিছিল নেকি?
