এই মুহূৰ্তত মই মুছলমান ভোট নিবিচাৰোঁ –  ৰাষ্ট্ৰীয় সংবাদ মাধ্যমত হিমন্ত বিশ্ব শৰ্মাৰ মন্তব্য

ৰাষ্ট্ৰীয় সংবাদ মাধ্যম এনডিটিভিৰ সৈতে হোৱা এক আছুতীয়া সাক্ষাৎকাৰত মুখ্যমন্ত্ৰী হিমন্ত বিশ্ব শৰ্মাই কয় যে তেওঁ ভোট বেংকৰ ৰাজনীতিত লিপ্ত নহয় আৰু সেয়েহে কংগ্ৰেছৰ দৰে মুছলমান সম্প্ৰদায়ৰ সৈতে জড়িত বিষয়ৰ সৈতে ৰাজনীতিক সংযোগ নকৰে।

এনডিটিভিৰে হোৱা সাক্ষাৎকাৰটোত হিমন্ত বিশ্ব শৰ্মাই কয় “এতিয়া মই মুছলমান ভোট নিবিচাৰো। ভোট বেংকৰ ৰাজনীতিৰ বাবেই সকলো সমস্যা ঘটে। মই প্ৰত্যেক মাহত এবাৰকৈ এটা মুছলমান অধ্যুষিত অঞ্চল ভ্ৰমণ কৰো, তেওঁলোকৰ অনুষ্ঠানত অংশ লওঁ আৰু মুছলমান ৰাইজক লগ কৰোঁ।  মুছলমানসকলে কংগ্ৰেছৰ সৈতে তেওঁলোকৰ সম্পৰ্ক ভোটৰ ওপৰত নিৰ্ভৰশীল বুলি উপলব্ধি কৰাটো বিচাৰে।’’ 

“মোক ভোট নিদিব। আগন্তুক ১০ বছৰত আপোনালোকৰ এলেকাবোৰ উন্নয়ন কৰি দিম। বাল্য বিবাহৰ প্ৰথা শেষ হোৱাটো নিশ্চিত কৰিব বিচাৰো। লগতে মাদ্ৰাছালৈ যোৱাটো বন্ধ হোৱাটো বিচাৰোঁ। মাদ্ৰাছাৰ পৰিৱৰ্তে কলেজলৈ যাওক।  বিশেষকৈ মুছলমান কন্যা সকলৰ সাতখন কলেজ উদ্বোধন কৰিবলৈ ওলাইছো।” লগতে এইদৰে কয় মুখ্যমন্ত্ৰী হিমন্ত বিশ্ব শৰ্মাই।

শৰ্মাই এনডিটিভিৰ সাংবাদিকৰ আগত ব্যাখ্যা কৰে যে মুছলমানসকলে বিজেপিৰ সৈতে তেওঁলোকৰ সম্পৰ্ক যে ভোটৰ বাহিৰত সেই কথা বুজাটো গুৰুত্বপূৰ্ণ।

“কংগ্ৰেছে মুছলমান অধ্যুষিত অঞ্চল সমূহত আন্তঃগাঁথনি বা বিদ্যালয় নিৰ্মাণ কৰা নাছিল। কিন্তু  মই সেই অঞ্চলবোৰত উন্নয়ন কৰিব বিচাৰো। মই প্ৰথমে ১০-১৫ বছৰ এই কাম কৰিম, তাৰ পিছতহে মুছলমানৰ পৰা ভোট বিচাৰিম। এতিয়া তেওঁলোকৰ পৰা ভোট বিচাৰিলে এইটো এটা লেনদেনৰ সম্পৰ্কলৈ পৰিবৰ্তন হ’ব। মই নিবিচাৰো যে ই এটা লেনদেন সম্পৰ্ক হওক।” – লগতে শৰ্মাই কয়।

ইয়াৰ লগতে হিমন্ত বিশ্ব শৰ্মাই সাক্ষাৎকাৰটোত কয় –  “২০১৬ আৰু ২০২০ চনত প্ৰচাৰৰ সময়ত মই মুছলমান অঞ্চললৈ যোৱা নাছিলো। নিৰ্বাচনত জয়ী হোৱাৰ পিছতহে যাম বুলি কৈছিলোঁ। এইবাৰো মই তেওঁলোকক কৈছো, যাক বিচাৰে তেওঁক ভোট দিয়ক। বিজেপিয়ে তেওঁলোকৰ অঞ্চলত প্ৰচাৰ নকৰে।”

লগতে পঢ়কঃমণিপুৰত ভাৰত মাতাক হত্যা কৰিছে বিজেপিয়ে! সংসদলৈ ঘূৰিয়েই আক্ৰমণাত্মক ৰাহুল গান্ধী 

লগতে পঢ়কঃ Honda CD110: হোণ্ডাই মুকলি কৰিলে সস্তাত নতুন বাইক; মাইলেজ ৬৫ কিলোমিটাৰ

লগতে পঢ়কঃ স্বাধীনতা দিৱসৰ পেৰেডৰ অনুশীলনৰ সময়ত গুৱাহাটীত অসম আৰক্ষীৰ কনিষ্টবলৰ মৃত্যু