যেন ভুতৰ ওপৰত দানহহে। বাৰে বাৰে প্ৰকতিৰ ৰোষত পৰিছে আফগানিস্তান। দেওবাৰে পুৱা পুনৰ জোকাৰি গ’ল প্ৰচণ্ড ভূমিকম্পই! ৰিখটাৰ স্কেলত এই ভূমিকম্পৰ মাত্ৰা ৬.২। ৰাষ্ট্ৰীয় ভূমিকম্পবিজ্ঞান কেন্দ্ৰৰ তথ্য অনুসৰি দেওবাৰে পুৱা ৯:০৬ বজাত আফগানিস্তানত প্ৰবল ভূমিকম্পই জোকাৰি যায়। একেৰাহে দুটাকৈ ভূমিকম্প সংঘটিত হয়। পুৱা প্ৰায় ৯:৩০ বজাত সংঘটিত হয় দ্বিতীয়টো ভূমিকম্প। যাৰ মাত্ৰা আছিল ৰিখটাৰ স্কেলত ৫.৪।
বাতৰি মতে, হেৰাট চহৰত ভূমিকম্পৰ জোকাৰণি অনুভুত হয়। উল্লেখ্য যে ইয়াৰ পূৰ্বৰ শনিবাৰে এই হেৰাটতে হোৱা ভয়াৱহ ভূমিকম্পত বহু সাধাৰণ লোকৰ মৃত্যু হৈছিল।
লগতে পঢ়কঃ মাজ নিশা ভয়াবহ পথ দুৰ্ঘটনা; কমেও ১২ জন লোকৰ মৃত্যু, আহত কমেও ২৩ জন
শনিবাৰে আফগানিস্তানৰ হেৰাটত ধাৰাবাহিকভাৱে হোৱা কেইবাটাও ভূমিকম্পৰ ফলত কমেও ৩ হাজাৰ লোকৰ মৃত্যু হৈছিল। আন দুই-তিনি হাজাৰ লোক আহত হয়। ইয়াৰ ফলত বহু ঘৰ ভাঙি যায়। মুঠ ৮টা আফটাৰশ্বক ধৰা পৰিছে। প্ৰতিটো কম্পনৰ মাত্ৰা আছিল ৪.৬ৰ পৰা ৫.৫।
বুধবাৰেও পুনৰ ভয়ংকৰ ভূমিকম্পই আফগানিস্তানক জোকাৰি গৈছিল। সেই কম্পনৰ মাত্ৰা আছিল ৬.৩।
লগতে পঢ়কঃ ইজৰাইলী অভ্যুত্থানৰ সন্মুখত গাজা; ইছলামিক দেশসমূহৰ জৰুৰী বৈঠকৰ আহ্বান
কিন্তু দেওবাৰৰ কম্পনক আৰু আফটাৰ শ্বক বুলি ক’ব নোৱাৰি। কাৰণ দেওবাৰে পুৱাৰ ভূমিকম্পৰ প্ৰাবল্য আফটাৰশ্বকৰ প্ৰাবল্য বহু বেছি আছিল। অৱশ্যে এতিয়ালৈকে কোনো ধৰণৰ ক্ষয়-ক্ষতিৰ খবৰ পোৱা হোৱা নাই।
Earthquake of Magnitude:6.2, Occurred on 15-10-2023, 09:06:03 IST, Lat: 34.76 & Long: 62.02, Depth: 70 Km ,Location: Afghanistan for more information Download the BhooKamp App https://t.co/md4V7iQUPP @ndmaindia @Indiametdept @KirenRijiju @Dr_Mishra1966 @Ravi_MoES @DDNewslive
— National Center for Seismology (@NCS_Earthquake) October 15, 2023
ইপিনে, একেৰাহে দুটাকৈ ভূমিকম্পৰ ফলত হেৰাট চহৰত আতংকৰ সৃষ্টি হৈছে। বহু লোকে ঘৰ এৰি থৈ বাহিৰলৈ ওলাই আহিছে। একেৰাহে দুটাকৈ ভূমিকম্পৰ ফলত আফটাৰশ্বকৰ সম্ভাৱনা থকাৰ আশংকা কৰা হৈছে।
উল্লেখ্য যে শেহতীয়াকৈ আফগানিস্তানত বাৰে বাৰে ভূমিকম্প সংঘটিত হৈ আহিছে। ইফালে যোৱা কিছুদিন পূৰ্বে নেপালতো ভূমিকম্প হৈছিল। যাৰ ফলত দিল্লীকে ধৰি উত্তৰ ভাৰত জোকাৰি গৈছিল।
