পশ্চিম আফ্ৰিকাৰ দেশ ছিয়েৰা লিয়নত সেনা শিবিৰ আৰু কাৰাগাৰত চলোৱা আক্ৰমণত কমেও ২০ জন লোক নিহত হোৱাৰ লগতে বহু কেইজন লোক আহত হৈছে। নিহতসকলৰ ভিতৰত আছে তেৰজন সেনা জোৱান।
সোমবাৰে সেনাৰ মুখপাত্ৰই সাংবাদিকক জনোৱা মতে, দেওবাৰে গোটেই দিনটো ৰাজধানী ফ্ৰীটাউনত বিদ্ৰোহী সেনাই আক্ৰমণ চলায়। কিন্তু পিছত পৰিস্থিতি নিয়ন্ত্ৰণলৈ অনা হয়।
কৰ্ণেল ইছা বাংগুৰাই কয় যে আমি এই হিংসাত্মক আক্ৰমণত জড়িত বৰ্তমান আৰু প্ৰাক্তন সৈনিক সকলোৰে সন্ধানত অভিযান চলাইছো।
লগতে পঢ়কঃ পুৱাই প্ৰবল ভূমিকম্পই জোকাৰি গ’ল চীন-পাকিস্তানক; বহু দূৰৈৰ দেশতো তীব্ৰ কম্পন
বাংগুৰাই লগতে কয় যে নিহত ২০ জনৰ ভিতৰত ১৩ জন সেনা জোৱান, তিনিজন আক্ৰমণকাৰী, এজন আৰক্ষী বিষয়া আৰু এজন সাধাৰণ নাগৰিক। ইয়াৰ বাহিৰেও এজন ব্যক্তিগত নিৰাপত্তা কোম্পানীত কাম কৰা লোক আছে। এই হিংসাত্মক ঘটনাত আহত হয় ৮ জন লোক। লগতে তিনিজন লোকক গ্ৰেপ্তাৰ কৰা হৈছে।
জানিব পৰা মতে, পাডেম্বা ৰোড কেন্দ্ৰীয় কাৰাগাৰত সংঘটিত আক্ৰমণৰ পিছত প্ৰায় ১৮৯০ জন কয়দীয়ে পলায়ন কৰে। পলায়ন কৰাসকলক পুনৰ জেললৈ যাবলৈ আহ্বান জনাইছে আৰক্ষীয়ে।
বাতৰি অনুসৰি, সোমবাৰে কাৰাগাৰ ভ্ৰমণৰ সময়ত কাৰাগাৰৰ কোঠাৰ এখন দুৱাৰ খোলা অৱস্থাত উদ্ধাৰ হয়। ছিয়েৰা লিয়ন কাৰেকচনেল ইনষ্টিটিউচনৰ সঞ্চালক প্ৰধান কৰ্ণেল শ্বেইখ ছ’লাইমান মাছাকিয়ে কয় যে আক্ৰমণকাৰীয়ে প্ৰথমে ৰকেট লঞ্চাৰেৰে কাৰাগাৰৰ গেট ভাঙিবলৈ চেষ্টা কৰিছিল। পিছত সন্মুখৰ গেটেৰে প্ৰৱেশ কৰে।
লগতে পঢ়কঃ IIT, IIM-ত অধ্যয়ন, গঢ়ি তোলে কেইবাশ কোটি টকাৰ কোম্পানী! কিন্তু এইবাৰ ২০ বছৰ খাব লাগিব জেলৰ ভাত
যোৱা দেওবাৰে ৰাষ্ট্ৰপতি জুলিয়াছ মাডা বায়’ই কয় যে এই হিংসাত্মক আক্ৰমণৰ সৈতে জড়িত অধিকাংশ সামৰিক নেতাক গ্ৰেপ্তাৰ কৰা হৈছে। আনসকলক কৰায়ত্ত কৰিবলৈ চেষ্টা কৰা হৈছে।
ছিয়েৰা লিয়নৰ তথ্য মন্ত্ৰী চেৰ্ন’ৰ বাহে যোৱা দেওবাৰে এক বিবৃতিত কয় যে চৰকাৰে দেশখনৰ নিৰাপত্তা পৰিস্থিতি নিয়ন্ত্ৰণত ৰাখিছে।
আনহাতে, কৰ্ণেল ইছা বাংগুৰাই কয় যে বেছিভাগ সেনা সদস্যই চৰকাৰ আৰু ৰাষ্ট্ৰপতিৰ প্ৰতি আনুগত্যশীল নহয়। তেওঁ লগতে কয় যে তেওঁলোকে অতি সোনকালে আইন-শৃংখলা পৰিস্থিতি নিয়ন্ত্ৰণ কৰিব বিচাৰে।
লগতে পঢ়কঃ সঁচাকৈয়ে! এবছৰ কাৰাবাস খাটি ঘৰলৈ উভতি আহিল ৯টা ছাগলী; কাৰণ জানিলে হ’ব আচৰিত
যোৱা দেওবাৰে সমগ্ৰ ছিয়েৰা লিয়নত ফ্ৰীটাউনৰ এটা সেনা শিবিৰত বন্দুকধাৰীয়ে আক্ৰমণ কৰি অস্ত্ৰভাণ্ডাৰ লুট কৰাৰ চেষ্টা কৰাৰ পিছতে সমগ্ৰ ছিয়েৰা লিয়নত কাৰ্ফিউ জাৰি কৰা হয়।
