কেন্দ্ৰীয় এজেঞ্চিৰ অভিযানৰ পিছতে বিজেপিক অনুদান দিছে ৩০টা সংস্থাই! কংগ্ৰেছে বিচাৰিছে তদন্ত

লোকসভা নিৰ্বাচনৰ পূৰ্বে কংগ্ৰেছে দলীয় অনুদান বিষয়ত বিস্ফোৰক অভিযোগ উত্থাপন কৰিছে। তেওঁলোকৰ অভিযোগ বিজেপিৰ বিৰুদ্ধে। অভিযোগ অনুসৰি বহু সংস্থাই কেন্দ্ৰীয় এজেঞ্চিৰ অভিযানৰ অন্তত দেশৰ ৩০টা সংস্থাই বিজেপিক বিপুল অনুদান আগবঢ়াইছে। এই সম্পৰ্কে কিছু খবৰ শেহতীয়াকৈ কেইবাটাও সংবাদ মাধ্যমত প্ৰকাশ পাইছে। কংগ্ৰেছে কেন্দ্ৰীয় বিত্তমন্ত্ৰী নিৰ্মলা সীতাৰমণলৈ এখন পত্ৰ প্ৰেৰণ কৰি শ্বেতপত্ৰৰ দাবী জনাইছে।

কংগ্ৰেছৰ সাধাৰণ সম্পাদক কে.চি. বেণুগোপালে দুটা সংবাদ মাধ্যমৰ প্ৰতিবেদনৰ কথা উল্লেখ কৰি কয় যে এয়া এক চূড়ান্ত পৰ্যায়। উক্ত প্ৰতিবেদনত উল্লেখ কৰা হৈছে যে আয়কৰ বিভাগ, ইডি, চিবিআইৰ অভিযানৰ পিছত দেশৰ বহু বৃহৎ সংস্থাই বিজেপিক বিপুল পৰিমাণৰ ধন আগবঢ়াইছে।

লগতে পঢ়কঃ ‘মই কোনো মালালা নহয়, মই মোৰ ভাৰতত নিৰাপদ আৰু স্বাধীন’; ভাইৰেল কাশ্মীৰী কন্যা ইয়ানাৰ ভাষণ

অভিযোগৰ সুৰ তুলি ভেনুগোপালে কয় যে, ‘২০১৮-২০১৯ আৰু ২০২২-২০২৩ বিত্তীয় বৰ্ষত কমেও ৩০টা সংস্থাই বিজেপিক ৩৩৫ কোটি টকা অনুদান আগবঢ়াইছিল, সেই সময়ত কেন্দ্ৰীয় সংস্থাই তেওঁলোকৰ বিৰুদ্ধে অভিযান চলাইছিল।’

বিষয়টো আৰু মুকলি কৰি ভেনুগোপালে অভিযোগ কৰে যে, ‘এই সংস্থাসমূহৰ ভিতৰত ২৩টা সংগঠনে সেই সময়ত দলটোক মুঠ ১৮৭.৫৮ কোটি টকা দিছিল। ২০১৪ চনৰ পৰা তেতিয়ালৈকে ইয়াৰ কোনেও কেতিয়াও বিজেপিক দান দিয়া নাই।’

কংগ্ৰেছে কেন্দ্ৰীয় সংস্থাৰ “অপব্যৱহাৰ” কৰি বিজেপিয়ে এই অনুদান লোৱা বুলি অভিযোগ উত্থাপন কৰে। সেই ক্ষেত্ৰত কংগ্ৰেছে অভিযোগ কৰি চিবিআই, ইডি, আয়কৰ বিভাগকে আঙুলিয়াইছে।

লগতে পঢ়কঃ ক্লাছৰুম বা মিটিঙত বহি থাকিলে টোপনি আহে নেকি? জানি লওঁক চকু খুলি ৰখা এইকেইটা টিপছ

কংগ্ৰেছৰ প্ৰশ্ন, ইডিকে ধৰি বিভিন্ন কেন্দ্ৰীয় সংস্থাই তদন্তৰ আওতাত থকা সংস্থাসমূহে কিয়, ‘ইডি অভিযানৰ পিছত, বিজেপিক দান দিছে?’ কংগ্ৰেছে এই সন্দৰ্ভত কেন্দ্ৰীয় বিত্ত মন্ত্ৰালয়ক এখন শ্বেতপত্ৰ উলিয়াবলৈ দাবী জনাইছে।

The Enforcement Directorate is the Extortion Department for Modi and Shah. The media revelations of 30 companies being coerced to donate to the BJP show that the entire country’s financial system has been brought to its knees to arrange funding for the ruling regime.

Not only… pic.twitter.com/RjD1z2Mn57

— K C Venugopal (@kcvenugopalmp) February 23, 2024

সমগ্ৰ বিষয়টোৰ তদন্তৰ দাবী জনাইছে কংগ্ৰেছে। যদি আপোনাৰ লুকুৱাবলৈ একো নাই, তেন্তে বিজেপিৰ তহবিল ভৰোৱা ‘ঘটনাৰ ক্ৰম’ৰ পইণ্ট-বাই-পইণ্ট খণ্ডন দাঙি ধৰিবলৈ আপুনি ইচ্ছুক হ’বনে?

ভেনুগোপালৰ প্ৰশ্ন, ‘বিজেপিৰ বাবে চান্দা লুণ্ঠনৰ এই সন্দেহজনক চুক্তিসমূহৰ উচ্চতম ন্যায়ালয়ৰ নিৰীক্ষণত তদন্তৰ বাবে আপুনি নিজকে উপস্থাপন কৰিবলৈ ইচ্ছুক নেকি?’ কংগ্ৰেছ নেতা জয়ৰাম ৰমেশে কয় যে তেওঁলোকে এই সন্দৰ্ভত ইডি আৰু চিবিআইকো প্ৰশ্ন কৰিবলৈ আগবাঢ়িছে।