মধ্যপ্ৰদেশত চলন্ত গাড়ীত নৱম শ্ৰেণীৰ এগৰাকী ছাত্ৰীক ধৰ্ষণ কৰাৰ ঘটনা হৈছে৷ যোৱা জুন মাহত মধ্যপ্ৰদেশৰ গোৱালিয়ৰ জিলাত সংঘটিত হৈছিল এই ঘটনা। আৰক্ষী সূত্ৰৰ পৰা জানিব পৰা মতে, যোৱা ১ জুনত গোৱালিয়ৰ-শিবপুৰী ৰাষ্ট্ৰীয় ঘাইপথত চলন্ত গাড়ীত ছোৱালীগৰাকীক ধৰ্ষণ কৰিছিল।
ঘটনা সন্দৰ্ভত জানিব পাৰি কিশোৰীগৰাকীৰ পৰিয়ালে মোহনা থানাত এজাহাৰ দাখিল কৰে। ধৰ্ষণৰ উপৰিও অভিযুক্তৰ বিৰুদ্ধে POCSOৰ অধীনত গোচৰ ৰুজু কৰা হৈছে। শুকুৰবাৰে সংবাদ প্ৰতিষ্ঠানৰ আগত গোৱালিয়ৰ থানাৰ এ এছ পি নিৰঞ্জন শৰ্মাই কয় যে অভিযুক্তক গ্ৰেপ্তাৰ কৰিবলৈ বিশেষ আৰক্ষী দল গঠন কৰা হৈছে। এই পৰ্যন্ত তিনি অভিযুক্তৰ ভিতৰত দুজনক গ্ৰেপ্তাৰ কৰা হৈছে। গ্ৰেপ্তাৰ হোৱা লোকসকলৰ বয়স ক্ৰমে ১৮ আৰু ২০ বছৰ। তেওঁলোকক জেৰা অব্যাহত আছে। এই ঘটনাত ব্যৱহৃত বাহনখনো জব্দ কৰা হৈছে।
এ এছ পি শৰ্মাই লগতে কয় যে, অভিযুক্তই ধৰ্ষণৰ ভিডিঅ’ ৰেকৰ্ডিং কৰি পিছত ছ’চিয়েল মিডিয়াত প্ৰচাৰ কৰে। ইয়াৰ পাছতে ছাত্ৰীগৰাকীয়ে ভয় খাই পৰিয়ালক ঘটনাটোৰ কথা ক’লে। ইফালে কিশোৰীগৰাকীৰ পৰিয়ালে থানাত লিখিত এজাহাৰ দাখিল কৰে। ১৩ বছৰীয়া যুৱতীগৰাকী। নৱম শ্ৰেণীৰ ছাত্ৰী।
এবছৰৰ আগতে চিনুৰৰ ল’ৰা এজনৰ লগত ছ’চিয়েল মিডিয়াত তেওঁ কথা-বতৰা পাতিছিল। পাছত ল’ৰাটোৱে ছোৱালীজনীক নিজৰ আন বন্ধুসকলৰ লগতো চিনাকি কৰাই দিলে। কিশোৰীগৰাকীয়ে অভিযুক্ত আৰু তেওঁৰ বন্ধুসকলৰ সৈতে মেছেজৰ জৰিয়তে নিয়মীয়াকৈ সংস্পৰ্শলৈ আহিছিল। ১ জুনত অভিযুক্তই আন দুজন বন্ধুৰ সৈতে গাড়ীখন আনি সাক্ষাৎ কৰাৰ অজুহাতত ছোৱালীজনীক ফোন কৰে। ইয়াৰ পিছতে গোৱালিয়ৰ-শিবপুৰী ৰাষ্ট্ৰীয় ঘাইপথত চলন্ত গাড়ীত ছোৱালীজনীক জোৰকৈ গাড়ীত উঠাই ধৰ্ষণ কৰে। আৰক্ষী সূত্ৰৰ পৰা জানিব পৰা মতে, মূল অভিযুক্তই গাড়ীৰ পিছৰ চিটত বহি কিশোৰীগৰাকীক ধৰ্ষণ কৰে। সেই সময়ত আন এজনে গাড়ী চলাই আছিল আৰু আনজনে মোবাইলত ঘটনাৰ ভিডিঅ’ ৰেকৰ্ডিং কৰি আছিল।
অভিযোগ অনুসৰি ঘটনাৰ পিছদিনাৰ পৰাই ছোৱালীজনীক ভিডিঅ’টো ফাদিল কৰাৰ ভাবুকি দি ব্লেকমেইলিং কৰা হৈছিল। আনকি তেওঁক মৃত্যুৰ ভাবুকিও দিয়া হৈছিল।পাছত অভিযুক্তই ছ’চিয়েল মিডিয়াত ভিডিঅ’টো পোষ্ট কৰে। স্বাভাৱিকতে গোটেই ঘটনাটোত ছোৱালীজনী মানসিক ভাবে ভাঙি গৈছে। আৰক্ষীয়ে জনোৱা মতে, তৃতীয়জন অভিযুক্তক অতি সোনকালে তেওঁক গ্ৰেপ্তাৰ কৰাৰ প্ৰচেষ্টা চলি আছে। তদন্ত অব্যাহত আছে। সেই অনুসৰি দোষীক শাস্তি প্ৰদান কৰা হ’ব।
