অভাৱৰ বাবেই নিজৰ পত্নীক হেৰুৱালে এগৰাকী স্বামীয়ে। পূজাত স্বামীয়ে দামী শাৰী কিনি দিবলৈ অপাৰগ হোৱাৰ বাবেই ক্ষোভ আৰু বেজাৰত আত্মহত্যা কৰিলে এগৰাকী পত্নীয়ে।
ঝাৰখণ্ডৰ ডুমকা জিলাৰ বাঘঝোপা গাঁৱত শনিবাৰে নিশা সংঘটিত হয় এই ঘটনা।
জানিব পৰা মতে, মহিলাগৰাকীৰ স্বামী এগৰাকী ট্ৰেক্টৰ চালক। ট্ৰেক্টৰ চলাই অভাৱ অনাটনৰ মাজত যেনে তেনে পৰিয়াল চলাই আহিছিল তেওঁ।
স্থানীয় আৰু আৰক্ষীৰ সূত্ৰৰ পৰা জানিব পৰা মতে, মৃত লোকজনৰ নাম চেণ্ডো দেৱী। বয়স ২৬ বছৰ। দুটা সন্তানৰ মাতৃ। স্বামীয়ে ট্ৰেক্টৰ চলায়। ৰেল লাইনৰ কাষৰ এটা জুপুৰীত তেওঁলোকে বাস কৰিছিল।
এই বছৰ দশহৰাত মহিলাগৰাকীয়ে স্বামীৰ পৰা নতুন শাৰী বিচাৰিছিল। কিন্তু স্বামীয়ে ক’লে যে তেওঁৰ নতুন শাৰী কিনাৰ সামৰ্থ্য নাই। ইয়াৰ পিছতে চৰম সিদ্ধান্ত লয় চেণ্ডো দেৱীয়ে। ঘৰৰ কাষতে থকা ৰে’ল লাইনত ৰে’লৰ আগত পৰি নিজৰ জীৱন শেষ কৰে তেওঁ।
মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰিছে আৰক্ষীয়ে। আত্মহত্যাৰ সঠিক কাৰণ ঠিক কি সেয়া জানিবলৈ তদন্ত অব্যাহত ৰাখিছে আৰক্ষীয়ে।
