বৃহস্পতিবাৰে নিশা স্থলভাগত প্ৰৱেশ কৰে ডানা ঘূৰ্ণীবতাহ। ওড়িশাৰ এক বৃহৎ অঞ্চল ধুমুহাৰ ফলত ক্ষতিগ্ৰস্ত হৈছে। ধুমুহাৰ ফলত বহু পথ বন্ধ হৈ পৰে। উপকূলীয় অঞ্চলত ১১০ কিলোমিটাৰ বেগেৰে বলিছে ধুমুহা। আনহাতে, নবন্নাৰ পৰিস্থিতিৰ ওপৰত চকু ৰাখিছে বংগৰ মুখ্যমন্ত্ৰী মমতা বেনাৰ্জীয়ে। ধুমুহাৰ বাবে বন্ধ কৰি দিয়া হৈছে দীঘা মেৰিন ড্ৰাইভ।
বতৰ বিজ্ঞান কাৰ্যালয়ৰ সূত্ৰ অনুসৰি বৃহস্পতিবাৰে নিশা ১১:১২ বজাৰ পৰা স্থলপথত প্ৰৱেশৰ প্ৰক্ৰিয়া আৰম্ভ হয়।প্ৰায় ৯ ঘণ্টা ধৰি স্থলপথত প্ৰৱেশৰ প্ৰক্ৰিয়া চলি থকা বুলি বতৰ বিজ্ঞান বিভাগে জানিবলৈ দিয়ে। শুকুৰবাৰে পুৱা আঠ বজালৈকে স্থলপথত প্ৰৱেশ কৰিলে ‘ডানা’। স্থলভাগৰ সময়ত ঘণ্টাত ১১০ কিলোমিটাৰ বেগেৰে বংগ আৰু ওড়িশাৰ উপকূলীয় অঞ্চলত ধুমুহাই আঘাত হানে। অৱশ্যে এই পৰ্যন্ত কোনো ধৰণৰ গুৰুতৰ ক্ষয়-ক্ষতিৰ খবৰ পোৱা নাই।
‘ডানা’ৰ স্থলভাগৰ বাবে ওড়িশাত বহু গছ উভালি পৰাৰ খবৰ পোৱা গৈছিল। ধমৰাৰ কেইবাটাও অঞ্চলত গছ-গছনি সৰি পৰাৰ বাবে পথটো বন্ধ হৈ পৰিছে। অৱশ্যে তাতেই ইতিমধ্যে উভালি পেলোৱা গছবোৰ কটাৰ কাম আৰম্ভ হৈছে। ভুৱনেশ্বৰত বহি পৰিস্থিতিৰ ওপৰত চকু ৰাখিছে ওড়িশাৰ মুখ্যমন্ত্ৰী মোহন চৰণ মাঝিয়ে। স্থলপথত অৱতীৰ্ণ হোৱাৰ পিছত দুৰ্যোগ ব্যৱস্থাপনা মন্ত্ৰী আৰু মুখ্য সচিবৰ সৈতেও বৈঠকত বহিছিল। ঘূৰ্ণীবতাহৰ ফলত ওড়িশাৰ কেইবাখনো জিলাত ধাৰাসাৰ বৰষুণ হৈ আহিছে।
‘ডানা’ই বংগত বৰ বিশেষ বিধ্বংসী প্ৰভাৱ পেলাব পৰা নাই। অৱশ্যে দীঘা মেৰিন ড্ৰাইভ বন্ধ কৰি দিয়া হৈছে। স্থলপথত অহাৰ পৰাই মহাসাগৰত আহি আছে ডাঙৰ ডাঙৰ ঢৌ। পূব মিদনাপুৰ আৰু কলকাতাত বৰষুণ দি আছে। কলকাতা বিমানবন্দৰৰ সেৱা পুৱা ৯ বজালৈ বন্ধ কৰি দিয়া হৈছে। ৰেল আৰু ফেৰী সেৱাও সাময়িকভাৱে বন্ধ কৰি দিয়া হৈছে। কিন্তু শুকুৰবাৰে পুৱাৰে পৰা পৰিস্থিতি স্বাভাৱিক হ’ব, ৰে’ল আৰু বিমান পৰিবহণ আৰম্ভ হ’ব। অৱশ্যে শুকুৰবাৰেও গোটেই দিনটো বৰষুণ অব্যাহত থাকিব বুলি বতৰ কার্যালয়ৰ পৰা জানিব পৰা গৈছে৷
