বাক্সা জিলাৰ চিমলাত ভাৰত-ভূটান ঘাইপথত বৃহস্পতিবাৰে সংঘটিত হোৱা এক পথ দুৰ্ঘটনাত দুজন যুৱক নিহত হৈছে।
এজন আৰক্ষী বিষয়াই জানিবলৈ দিয়া মতে নিহত যুৱক দুজনক পৰাগ দাস (১৭) আৰু উৎপল হীৰা (১৮) বুলি চিনাক্ত কৰা হৈছে।
বাক্সা জিলাৰ ভাৰত-ভূটান পথৰ ৰাষ্ট্ৰীয় ঘাইপথ ১২৭ (এ)ত সংঘটিত হয় এই ভয়ংকৰ দুৰ্ঘটনা।
লগতে পঢ়কঃ অসমৰ পৰা ট্ৰেন্সফৰ্মাৰ লৈ বিহাৰলৈ গৈছিল উত্তৰ প্ৰদেশৰ ট্ৰাক; তালাচীত ওলাই পৰিল জোলোঙাৰ মেকুৰী!
খবৰ অনুসৰি, মটৰ চাইকেল (পঞ্জীয়ন নম্বৰ এ এছ ১৪ আৰ ৩৮৮৫) চলাই অহা এই যুৱক দুজনে প্ৰচণ্ড জোৰেৰে গছত খুন্দা মাৰে। ফলত তেওঁলোকৰ থিতাতে মৃত্যু হয়।
স্থানীয় বাসিন্দাসকলে এই ঘাইপথৰ অংশত পথ দুৰ্ঘটনাৰ সংখ্যা বৃদ্ধি পোৱাক লৈ গভীৰ উদ্বেগ প্ৰকাশ কৰি ইয়াক “মৃত্যুৰ ফান্দ” বুলি অভিহিত কৰিছে।
বিশেষকৈ মটৰ চাইকেল আৰু গধুৰ বাহনৰ গতি সীমা বলবৎ নকৰাৰ বাবেই সঘনাই দুৰ্ঘটনা সংঘটিত হোৱাৰ অভিযোগ উত্থাপন কৰে।
লগতে পঢ়কঃ ৩৬ বছৰ পিছত ছলমান ৰুছদিৰ ‘দ্য ছ্যেটেনিক ভাৰ্ছেছ’ গ্ৰন্থৰ আমদানিৰ ওপৰত নিষেধাজ্ঞা প্ৰত্যাহাৰ!
মৰণোত্তৰ পৰীক্ষাৰ বাবে মৃতদেহ দুটা মুছলপুৰস্থিত ডাঃ ৰবি বড়ো অসামৰিক চিকিৎসালয়লৈ প্ৰেৰণ কৰা হয়।
