১ এপ্ৰিলৰ পৰা নিষ্ক্ৰিয় হৈ পৰা বা পুনৰ অন্য গ্ৰাহক প্ৰদান কৰা সেই মোবাইল নম্বৰত কাম নকৰিব ইউপিআই সেৱা। জালিয়াতি আৰু অকৰ্তৃত্বশীল লেনদেন ৰোধ কৰিবলৈ ভাৰতীয় ৰাষ্ট্ৰীয় পেমেণ্ট কৰ্প’ৰেশ্যনে বেংক আৰু পেমেণ্ট সেৱা প্ৰদানকাৰীক এনে নম্বৰ সমূহৰ সেৱা বাতিল কৰিবলৈ নিৰ্দেশ দিছে।
ভাৰতীয় ৰাষ্ট্ৰীয় পেমেণ্ট কৰ্প’ৰেশ্যনৰ নিৰ্দেশনা আনুসৰি ব্যৱহাৰকাৰীসকলে নিশ্চিত কৰিব লাগিব যে তেওঁলোকৰ পঞ্জীয়নভুক্ত মোবাইল নম্বৰ সক্ৰিয় হৈ থাকে। যাতে কোনো সমস্যাৰ সৃষ্টি নহয়।
এনে কৰাৰ প্ৰয়োজনীয়তাৰ মূলতে হ’ল যাতে ইউপিআইৰ সৈতে সংযুক্ত নিষ্ক্ৰিয় মোবাইল নম্বৰে নিৰাপত্তাজনিত বিপদৰ সৃষ্টি কৰে। যেতিয়া ব্যৱহাৰকাৰীসকলে তেওঁলোকৰ নম্বৰ সলনি বা নিষ্ক্ৰিয় কৰে, তেওঁলোকৰ UPI একাউণ্টসমূহ প্ৰায়ে সক্ৰিয় হৈ থাকে, যাৰ ফলত তেওঁলোকৰ UPI একাউণ্টসমূহ অপব্যৱহাৰৰ কৰাৰ সম্ভাৱনা আহি পৰে। সেয়ে ইয়াক ৰোধ কৰিবলৈ বেংক আৰু গুগল পে, ফোন পে আৰু পেটিএমৰ দৰে পেমেণ্ট এপসমূহে এতিয়া এনপিচিআইৰ নিৰ্দেশ অনুসৰি ইউপিআই ব্যৱস্থাৰ পৰা নিষ্ক্ৰিয় নম্বৰসমূহ আঁতৰাই পেলাব।
এই নিৰ্দেশনা কাৰ্যকৰি কৰিবৰ কাৰণে বেংক আৰু পিএছপিয়ে সময়ে সময়ে নিষ্ক্ৰিয়, পুনৰ অন্য গ্ৰাহক প্ৰদান কৰা মোবাইল নম্বৰ চিহ্নিত কৰি আঁতৰাই পেলাব। লগতে প্ৰভাৱিত ব্যৱহাৰকাৰীসকলে তেওঁলোকৰ ইউপিআই সেৱাসমূহ স্থগিত ৰখাৰ পূৰ্বে জাননী লাভ কৰিব। ইয়াৰ পিছতো যদি কোনো মোবাইল নম্বৰ নিষ্ক্ৰিয় হৈ থাকে তেন্তে প্ৰৱঞ্চনা ৰোধ কৰিবলৈ ইউ পি আইৰ পৰা সেই নম্বৰ আঁতৰাই দিয়া হ’ব। অৰু ব্যৱহাৰকাৰীসকলে সময়সীমাৰ পূৰ্বে নিজৰ মোবাইল নম্বৰ আপডেট কৰি নিজৰ ইউপিআই সেৱা পুনৰ বাহাল কৰিব পাৰিব।
উল্লেখ্য যে যিসকল ব্যৱহাৰকাৰীয়ে নিজৰ মোবাইল নম্বৰ সলনি কৰিছে কিন্তু নিজৰ বেংকত আপডেট কৰা নাই। আৰু যিসকল ব্যৱহাৰকাৰীৰ নম্বৰ নিষ্ক্ৰিয় হৈ আছে আৰু দীৰ্ঘদিন ধৰি কল, এছএমএছ বা বেংকিং এলাৰ্টৰ বাবে ব্যৱহাৰ কৰা হোৱা নাই। ইয়াৰোপৰি যিসকল ব্যৱহাৰকাৰীয়ে নিজৰ বেংকৰ তথ্য আপডেট নকৰাকৈ নিজৰ নম্বৰ জমা দিছে। আৰু যিসকল ব্যৱহাৰকাৰীৰ পুৰণি নম্বৰ আন কাৰোবাক পুনৰ প্ৰদান কৰা হৈছিল। তেওঁলোক এই নিৰ্দেশনাৰ দ্বাৰা প্ৰভাবিত হ’ব।
সেৱাসমূ অব্যাহত ৰাখিবলৈ মোবাইল নম্বৰ সক্ৰিয় আছে নে নাই পৰীক্ষা কৰক। নিশ্চিত হওক যে আপুনি আপোনাৰ বেংকৰ পৰা এছএমএছ আৰু অ’টিপি লাভ কৰে। আৰু নেট বেংকিং, ইউপিআই এপ, এটিএমৰ জৰিয়তে বা বেংক শাখাত গৈ আপোনাৰ ইউপিআই-লিংকড মোবাইল নম্বৰ আপডেট কৰক।
