বন্যপ্ৰাণী সংৰক্ষণ সংস্থাসমূহৰ ৰাষ্ট্ৰীয় নেটৱৰ্ক, দক্ষিণ আফ্ৰিকাৰ বন্যপ্ৰাণী পশু সুৰক্ষা মঞ্চই বন্যপ্ৰাণীৰ বৃহৎ পৰিসৰৰ ৰপ্তানিৰ সন্দৰ্ভত উদ্বেগ প্ৰকাশ কৰাৰ পাছত বনতাৰা নামেৰেও পৰিচিত গ্ৰীণছ জুলজিকেল ৰেচকিউ এণ্ড ৰিহেবিলিটেচন চেণ্টাৰ (জিজেআৰআৰচি)য়ে তেওঁলোকক ভাবুকি প্ৰদান কৰাৰ অভিযোগ উত্থাপন কৰিছে।
উল্লেখ্য যে, গুজৰাটৰ জামনগৰৰ ব্যক্তিগত চিৰিয়াখানা বনতাৰাৰ মালিক উদ্যোগী মুকেশ আম্বানীৰ কনিষ্ঠ পুত্ৰ অনন্ত আম্বানীৰ।
দক্ষিণ আফ্ৰিকাৰ ৩০টা সংস্থাক প্ৰতিনিধিত্ব কৰা WAPFSA-এ ২০২৫ চনৰ ৬ মাৰ্চত দক্ষিণ আফ্ৰিকাৰ পৰিৱেশ, বন আৰু মীন মন্ত্ৰী ডিয়ন জৰ্জলৈ আনুষ্ঠানিক পত্ৰ প্ৰেৰণ কৰি নাহৰফুটুকী, চিতা, সিংহ, বাঘকে ধৰি অসংখ্য বন্যপ্ৰাণীক বনতাৰালৈ ৰপ্তানি কৰাৰ বিষয়ে উদ্বেগ প্ৰকাশ কৰে।
এই পত্ৰখনো CITES সচিবালয়লৈয়ো প্ৰেৰণ কৰা হৈছিল।
আন্তঃৰাষ্ট্ৰীয় বন্যপ্ৰাণী বাণিজ্য নিৰীক্ষণ কৰা সংস্থাটোৱে কয় যে তেওঁলোকৰ উদ্বেগ ৰাজহুৱাভাৱে উপলব্ধ তথ্যৰ ওপৰত ভিত্তি কৰি কৰা হৈছে আৰু দক্ষিণ আফ্ৰিকাৰ নাগৰিকসকলৰ পৰিৱেশ সুৰক্ষা আৰু তথ্যৰ লাভৰ সাংবিধানিক অধিকাৰ অনুসৰি তদন্তৰ বাবে সংশ্লিষ্ট কৰ্তৃপক্ষক দাখিল কৰা হৈছে।
কিন্তু ২০২৫ চনৰ ১১ মাৰ্চত জিজেডিআৰচিক প্ৰতিনিধিত্ব কৰা অধিবক্তা এছ এইচ এছ চেম্বাৰ্ছৰ পৰা ডব্লিউএপিএফএছএয়ে এখন পত্ৰ লাভ কৰে, য’ত অভিযোগ কৰা হৈছিল যে তেওঁলোকৰ দক্ষিণ আফ্ৰিকা চৰকাৰলৈ লিখা পত্ৰখন মানহানিকাৰক আৰু ইয়াত মিছা কথা সন্নিবিষ্ট কৰা হৈছে।
ইয়াৰ উত্তৰত WAPFSAৰ আইনী দলে ২০২৫ চনৰ ১৮ মাৰ্চত এই অভিযোগসমূহ খণ্ডন কৰি এই অভিযোগসমূহ “ভুল আৰু প্ৰমাণহীন” বুলি দৃঢ়তাৰে কয়।
তেওঁলোকে আৰু কয় যে জিজেডআৰআৰচিৰ অধিবক্তাসকলৰ পৰা অহা পত্ৰখন ৱাপিএফএছএক ভয় খুৱাই দক্ষিণ আফ্ৰিকাৰ পৰা বন্যপ্ৰাণী ব্যৱসায়ৰ তদন্তৰ পৰা তেওঁলোকক বাধা দিয়াৰ প্ৰয়াস কৰিছে বুলি উল্লেখ কৰে।
তেওঁলোকে এই কথাত গুৰুত্ব আৰোপ কৰে যে, দক্ষিণ আফ্ৰিকাত সাংবিধানিকভাৱে সুৰক্ষিত আৰু মানৱ অধিকাৰৰ সাৰ্বজনীন ঘোষণাত সন্নিৱিষ্ট মত প্ৰকাশৰ স্বাধীনতা চৰকাৰসমূহক জবাবদিহি কৰাৰ বাবে অতি প্ৰয়োজনীয়।
এই ৰপ্তানিৰ সন্দৰ্ভত দক্ষিণ আফ্ৰিকা চৰকাৰৰ সম্পূৰ্ণ তদন্তৰ বাবে সংস্থাটোৱে অনুৰোধ অব্যাহত ৰাখিছে।
