চেণ্ট্ৰেল ব্যুৰো অৱ ইনভেষ্টিগেচনে আমেৰিকাৰ তথ্যৰ ভিত্তিত অনলাইন শিশু যৌন নিৰ্যাতনকাৰী চক্ৰৰ ওপৰত অপাৰেচন হক-২০২৫ নামেৰে এক বৃহৎ দমন অভিযান আৰম্ভ কৰে। ছচিয়েল মিডিয়া প্লেটফৰ্ম ডিচকৰ্ডৰ জৰিয়তে আমেৰিকাৰ নাবালিকা ছোৱালীক শোষণ কৰাৰ অভিযোগত চিবিআইয়ে মঙলুৰীৰ শ্বেইখ মুইজ আহমেদ আৰু দিল্লীৰ মুকুল ছাইনী নামৰ দুজন লোকক গ্ৰেপ্তাৰ কৰে। সংস্থাটোৱে মুম্বাই, মংগালুৰু আৰু দিল্লীত তালাচী চলাই, শিশু যৌন নিৰ্যাতনৰ সামগ্ৰী (চি এছ এ এম) থকা মোবাইল ফোন আৰু লেপটপৰ উদ্ধাৰ কৰে।
প্ৰকাশিত তথ্য অনুসৰি ডিচকৰ্ডত “Heisenberg7343” নামেৰে কৰি শ্বেখ মুইজ আহমেদে ২০২৪ চনৰ মাৰ্চ মাহত এগৰাকী নাবালিকা ছোৱালীৰ সৈতে যৌনগন্ধী বাৰ্তালাপ কৰিছিল আৰু তেওঁক স্পষ্ট ছবি আৰু ভিডিঅ’ শ্বেয়াৰ কৰিবলৈ জোৰ দিয়াৰ লগতে অশ্লীল বিষয়বস্তু শ্বেয়াৰ কৰিবলৈও ভাবুকি দিয়া বুলি বুলি অভিযোগ উত্থাপন হৈছে। একেদৰে ২০২৩-২০২৪ চনৰ ভিতৰত ডিচকৰ্ড আৰু আৰিছু প্লেটফৰ্মত সক্ৰিয় হৈ থকা মুকুল ছাইনীয়ে আন এগৰাকী নাবালিকা ছোৱালীক পৰ্ণগ্ৰাফিক কন্টেন্ট শ্বেয়াৰ কৰিবলৈ প্ৰৰোচিত কৰিছিল আৰু অস্বীকাৰ কৰিলে একেখিনিকে ৰাজহুৱা কৰাৰ ভাবুকি দিছিল।
দুয়োজন লোকৰ বিৰুদ্ধে ভাৰতীয় দণ্ডবিধি, তথ্য প্ৰযুক্তি আইন আৰু POCSO আইনৰ অধীনত অভিযোগ উত্থাপন কৰা হৈছিল, আহমেদক ন্যায়িক জিম্মালৈ প্ৰেৰণ কৰা হৈছিল। আন্তঃৰাষ্ট্ৰীয় সংযোগৰ সৈতে অনলাইন শিশু শোষণৰ প্ৰতি লক্ষ্য ৰাখি চিবিআইৰ পূৰ্বৰ প্ৰচেষ্টা যেনে অপাৰেচন কাৰ্বন (২০২১) আৰু অপাৰেচন মেঘ চক্ৰ (২০২২)ৰ ওপৰত ভিত্তি কৰি অপাৰেচন হক-২০২৫ অভিযান আৰম্ভ কৰা হৈছে বুলি সদৰী কৰিছে।
চিবিআইৰ আন্তঃৰাষ্ট্ৰীয় অভিযান বিভাগে আমেৰিকাৰ কৰ্তৃপক্ষৰ সৈতে ঘনিষ্ঠভাৱে কাম কৰি এই নেটৱৰ্কসমূহ চিনাক্ত কৰি উৎখাত কৰে। এই অভিযানে শিশুৰ বিৰুদ্ধে চাইবাৰ অপৰাধৰ ক্ৰমবৰ্ধমান প্ৰত্যাহ্বান আৰু অনলাইন শিকাৰুৰ পৰা দুৰ্বল নাবালকক সুৰক্ষা প্ৰদানৰ বাবে বিশ্বব্যাপী সহযোগিতাৰ প্ৰয়োজনীয়তাক উজ্জ্বল কৰি তুলিছে।
