ইউক্ৰেইনৰ ৰাষ্ট্ৰপতি ভ’ল’ডিমিৰ জেলেনস্কিক ‘বিশ্বৰ শ্ৰেষ্ঠ বিক্ৰেতা’ (World greatest salesman) বুলি অভিহিত কৰিছে আমেৰিকাৰ ৰাষ্ট্ৰপতি ড’নাল্ড ট্ৰাম্পে। তেওঁ কয়, “মই ভাবো জেলেনস্কি বিশ্বৰ আটাইতকৈ ডাঙৰ বিক্ৰেতা, মোতকৈ বহুত ভাল।”
কিয় এই কথা ক’লে ট্ৰাম্পে?
ট্ৰাম্পে কয় যে জেলেনস্কি ৱাশ্বিংটনলৈ আহে, আৰু প্ৰতিবাৰেই তেওঁ ১০০ বিলিয়ন ডলাৰ লৈ যায়। শুকুৰবাৰে সম্প্ৰচাৰিত এক সাক্ষাৎকাৰত এংকৰগৰাকীৰ প্ৰশ্নৰ উত্তৰত আমেৰিকাৰ ৰাষ্ট্ৰপতিগৰাকীয়ে কয় যে ইউক্ৰেইনলৈ কোটি কোটি ডলাৰৰ সাহায্য “অপচয়” হোৱাৰ বাবে তেওঁ চিন্তিত।
শান্তিৰ পথত বাধা?
এংকৰজনে ট্ৰাম্পক প্ৰশ্ন কৰে যে ৰাছিয়াৰ ৰাষ্ট্ৰপতি ভ্লাদিমিৰ পুটিনক মস্কো আৰু কিয়েভৰ মাজত শান্তিৰ বাধা বুলি ভাবে নেকি? কিন্তু এই বিষয়ে কোৱাৰ পৰিৱৰ্তে ট্ৰাম্পে ইউক্ৰেইনৰ নেতা ভ্লাদিমিৰ জেলেনস্কিক সমালোচনা কৰিবলৈ আৰম্ভ কৰে। তেওঁ কয়, “জেলেনস্কিৰ সৈতে মোৰ বহুত বেয়া সময় পাৰ হৈছে কিয়নো তেওঁ কোৱা কথাবোৰ মোৰ পছন্দ হোৱা নাছিল।”
জো বাইডেনৰ কিয়েভলৈ প্ৰেৰণ কৰা সাহায্য
ট্ৰাম্পে তেওঁৰ পূৰ্বৰ ৰাষ্ট্ৰপতি জো বাইডেনে কিয়েভলৈ প্ৰেৰণ কৰা সাহায্যক তীব্ৰ সমালোচনা কৰে। তেওঁ কয়, ” দেখি মোৰ ঘৃণা হৈছিল, মোৰ খং উঠিছিল।”
৬০ বিলিয়ন ডলাৰৰ চেকখন দেখি মোৰ খং উঠিছিল। কংগ্ৰেছে কয়, এই টকা ক’লৈ গৈ আছে? অৱশ্যে ট্ৰাম্পে পূৰ্বে জেলেনস্কি আৰু পুটিন দুয়োকে সমালোচনা কৰিছিল। কিন্তু ৰাছিয়াৰ সৈতে চলি থকা সংঘাতৰ বাবে তেওঁ ইউক্ৰেইন আৰু বাইডেন প্ৰশাসনক বহুলাংশে দোষাৰোপ কৰে।
প্ৰসংগক্ৰমে ক’বলৈ গ’লে ২০২২ চনৰ পৰা আমেৰিকাই ইউক্ৰেইনক প্ৰায় ১২৮ বিলিয়ন ডলাৰ দিছে, য’ত ৬৬.৫ বিলিয়ন ডলাৰ সামৰিক সাহায্যও আছে।
