৩০ জুলাইত ৰাছিয়াৰ কামচাটকা উপদ্বীপত ৮.৮ ৰিখটাৰ স্কেলৰ এক বৃহৎ ভূমিকম্পই দক্ষিণে আলাস্কা, হাৱাই, জাপান আৰু নিউজিলেণ্ডকে ধৰি সমগ্ৰ উত্তৰ প্ৰশান্ত মহাসাগৰীয় অঞ্চলত চুনামীৰ ঢৌৱে প্ৰভাৱিত কৰে। ইয়াৰ পিছতে প্ৰভাৱিত অঞ্চলসমূহত সতৰ্কবাণী জাৰি কৰিছে বিভাগীয় কৰ্তৃপক্ষই। পেট্ৰ’পাভলভস্ক-কামচাটস্কিৰ পৰা ১১৯ কিলোমিটাৰ পূব-দক্ষিণ-পূব দিশত কেন্দ্ৰিত এই ভূমিকম্পটোৱে জাপানৰ সময় অনুসৰি পুৱা ৮:২৫ বজাত ২০.৭ কিলোমিটাৰ গভীৰতাত সংঘটিত হয় আৰু ২০১১ চনত জাপানত ৯.০ ৰিখটাৰ স্কেলৰ ভূমিকম্পৰ পিছত ই অন্যতম শক্তিশালী ভূমিকম্প হিচাপে অভিহিত হৈছে। অৱশ্যে কোনো গুৰুতৰভাৱে আঘাতপ্ৰাপ্ত হোৱাৰ খবৰ পোৱা হোৱা নাই যদিও ভূমিকম্পই অট্টালিকাসমূহৰ বিস্তৰ ক্ষতিসাধন কৰে, বিদ্যুৎ সেৱা ব্যাহত হৈ পৰাৰ লগতে মোবাইল সেৱাতো ব্যাঘাত জন্মায়।
জানিব পৰা মতে চুনামীৰ ঢৌৱে কেইবাটাও অঞ্চলত আঘাত হানিছে, জাপানৰ ইছিনোমাকি বন্দৰ খালী কৰা হয়, য’ত ১.৫ মিটাৰ পৰ্যন্ত প্ৰথম ঢৌ প্ৰায় ৭ পি.এম. স্থানীয় সময় অনুসৰি, যাৰ ফলত কোনো তাৎক্ষণিক ক্ষতি নহয়। কেলিফৰ্ণিয়া, অৰেগন আৰু আলাস্কাৰ আলেউচিয়ান দ্বীপপুঞ্জত আসন্ন বিপদৰ প্ৰতি লক্ষ্য ৰাখি সতৰ্কবাণী জাৰি কৰিছে, য’ত কিছুমান অঞ্চলত ঢৌ ১ৰ পৰা ৩ মিটাৰ উচ্চতা হ’ব বুলি অনুমান কৰিছে আৰু জনসাধাৰণক উপকূলৰ পৰা আঁতৰি ওখ ঠাই বা উচ্চ অট্টালিকাত আশ্ৰয় ল’বলৈ আহ্বান জনাইছে।
ইফালে জাপানে ১৩৩খন পৌৰসভাৰ পৰা ১৯ লাখতকৈ অধিক লোকক প্ৰভাৱিত এলেকাৰ পৰা নিৰাপদ স্থানলৈ স্থানান্তৰ কৰিছিল যদিও ঢৌবোৰ ভৱিষ্যদ্বাণী কৰা ৩ মিটাৰতকৈ সৰু আছিল। ফিলিপাইনছ, চীন আৰু নিউজিলেণ্ডেও সতৰ্কবাণী জাৰি কৰি কৰিছে।
উল্লেখ্য যে ৬.৯ আৰু ৬.৩ প্ৰাবল্যৰ ভূমিকম্পই অঞ্চলটো জোকাৰি যোৱাৰ ফলত আৰু অধিক চুনামীৰ আশংকা বৃদ্ধি পাইছিল। বিষয়াসকলে জোৰ দি কয় যে চুনামীৰ ভয়াবহতা দীঘলীয়া সময়লৈ থাকিব পাৰে, আৰু এই নিৰ্দেশনা প্ৰত্যাহাৰ নোহোৱালৈকে বাসিন্দাসকলক সজাগ হৈ থাকিবলৈ আহ্বান জনাইছে।
