অৱশেষত অপেক্ষাৰ অন্ত পেলাই ৱেষ্ট ইণ্ডিজৰ বিৰুদ্ধে টেষ্ট শৃংখলাৰ বাবে টিম ইণ্ডিয়াৰ দল ঘোষণা কৰা হ’ল। বিগত কিছুদিন ধৰি দলৰ ঘোষণাক লৈ জল্পনা-কল্পনাৰ সৃষ্টি হৈছিল। অৱশেষত ঘোষণা কৰা হ’ল দল।
অধিনায়কৰ দায়িত্ব দিয়া হৈছে শুভমন গিলক। আঘাতৰ বাবে ছিৰিজত নাই ঋষভ পন্ত। তেওঁৰ ঠাইত ধ্ৰুৱ জুৰেলক উইকেটকীপাৰ হিচাপে ৰখা হৈছে। বেকআপ কিপাৰ হিচাপে থাকিব এন জগদীশন। উপ অধিনায়ক ৰবীন্দ্ৰ জাডেজা। অৱশ্যে ইংলেণ্ডৰ শৃংখলাৰ পৰা এই শৃংখলাৰ বাবে দলটোত কেইবাটাও পৰিৱৰ্তন ঘটিছে।
কেৰিবিয়ান ছিৰিজৰ পৰা কৰুণ নাইৰ, অৰ্শদীপ সিং, শাৰদুল ঠাকুৰ, অভিমন্যু ইশ্বৰন, আকাশ দীপক বাদ দিয়া হয়। দললৈ আহিছিল দেৱদত্ত পড্ডিকল, অক্ষৰ পেটেল, এন জগদীশন। ১৫ জনীয়া এই দলটো দেখি বহুতে আচৰিত হৈছে। ইংলেণ্ডৰ বিৰুদ্ধে ভাল খেলা আকাশ দীপক বাদ দিয়া হৈছে।
আনহাতে, কৰুণ নাইৰক বাদ দিয়া হৈছে। বহুদিনৰ মূৰত কৰুণে জাতীয় দলত সুযোগ পাইছিল। কিন্তু ইংলেণ্ডৰ বিৰুদ্ধে তেওঁ উল্লেখযোগ্য একো কৰিব নোৱাৰিলে, সেয়েহে নিৰ্বাচকসকলে তেওঁক আৰু এটা সুযোগ নিদিলে।
যিহেতু মেচবোৰ ভাৰতত হ’ব, সেয়ে, ভাৰতে স্পিনৰ ওপৰত অধিক নিৰ্ভৰ কৰিছে। সেইবাবেই অক্ষৰ পেটেলক লোৱা হৈছে। ঘৰুৱা মাটিত তেওঁৰ অভিলেখ সদায় ভাল। সেই ক্ষেত্ৰত তিনিজন বাওঁহতীয়া স্পিনাৰ আৰু এজন সোঁহতীয়া স্পিনাৰ দলত থাকে। তিনিজন পেচাৰ ৰখা হৈছে।
ৱেষ্ট ইণ্ডিজ শৃংখলাৰ বাবে দুয়োটা দল
ভাৰতীয় দল
শুভমন গিল, যশস্বী জয়ছোৱাল, কে এল ৰাহুল, দেৱদত্ত পড্ডিকল, ছাই সুদৰ্শন, ধ্ৰুৱ জুৰেল, ৰবীন্দ্ৰ জাদেজা, ৱাশ্বিংটন সুন্দৰ, যশপ্ৰীত বুমৰাহ, অক্ষৰ পেটেল, নীতিশ কুমাৰ ৰেড্ডী, মহম্মদ ছিৰাজ, প্ৰসিদ্ধ কৃষ্ণ, কুলদীপ যাদৱ, এন জগদীশন।
ৱেষ্ট ইণ্ডিজ দল
ৰষ্টন চেজ, জোমেল ৱাৰিকান, কেভলন এণ্ডাৰছন, এলিক আথানঞ্জে, জন কেম্পবেল, ত্যাগনানাৰায়ণ চন্দ্ৰপল, জাষ্টিন গ্ৰীভছ, চাই হোপ, টেভিন ইমলাচ, আলঝাৰি জোচেফ, শ্বামাৰ জোচেফ, ব্ৰেডন কিং, এণ্ডাৰছন ফিলিপ, খাৰী পিয়েৰ, জেডন চিলছ।
