অসমৰ সু-সন্তান আন্তর্জাতিক খ্যাতিসম্পন্ন বাঁহীবাদক দীপক শৰ্মাই গুৱাহাটীৰ গুৱাহাটী চিকিৎসা মহাবিদ্যালয় হাস্পতালত (GMCH) এক ঘণ্টা অপেক্ষা কৰিও নেপালে আইচিইউৰ বিচনা। অৱশেষত তেওঁৰ অৱস্থা সংকটজনক হৈ পৰাত ডা. চন্দন মোদকৰ তত্ত্বাৱধানত দিছপুৰ হাস্পতাললৈ স্থানান্তৰ কৰা বুলি জানিব পৰা গৈছে।
শিল্পীগৰাকীৰ স্বাস্থ্যৰ অবনতিৰ সময়ত চৰকাৰী চিকিৎসালয় এখনত আইচিইউৰ লাভ নকৰাটো অতি পৰিতাপৰ কথা। এই ঘটনাই পুনৰবাৰ মুখ্যমন্ত্ৰী হিমন্ত বিশ্ব শৰ্মাৰ চৰকাৰৰ ৰাজহুৱা খণ্ডৰ চিকিৎসা ব্যৱস্থাৰ লাওলোৱা অৱস্থাক উদঙাই দিছে। ৰাজ্যৰ আটাইতকৈ ডাঙৰ চিকিৎসা প্ৰতিষ্ঠান জিএমচিএইচ(GMCH)ত খ্যাতনামা শিল্পী এজনৰ বাবে আইচিইউৰ বিচনাৰ অভাৱ, ই সমগ্ৰ স্বাস্থ্য ব্যৱস্থাৰ ওপৰত এক গম্ভীৰ প্ৰশ্ন উত্থাপন কৰিছে।
