আনৰ ওচৰলৈ যাব নালাগে। নিৰ্বাচন সম্পৰ্কীয় সকলো খবৰ এটা এপতে পাব। য’ত আপুনি এই এপটোত প্ৰাৰ্থী আৰু আপোনাৰ ভোটগ্ৰহণ কেন্দ্ৰৰ সকলো তথ্য জানিব পাৰিব। এইবাৰ নিৰ্বাচন আয়োগে লৈ আহিছে এই ECINET App।
আয়োগে কিয় এই এপটো আনিলে
বৰ্তমান যুগত দেশবাসীয়ে ডিজিটেল সেৱা বিচাৰে। তেওঁলোকে নিজৰ স্মাৰ্টফোনত সকলো জানিব বিচাৰে। সেইবাবেই নিৰ্বাচন আয়োগে চৰকাৰী সেৱাসমূহ সাধাৰণ মানুহৰ হাতৰ মুঠিত অনাৰ এক বৃহৎ পদক্ষেপ গ্ৰহণ কৰিছে।
ভোটাৰৰ সুবিধাৰ্থে আৰু নিৰ্বাচনী প্ৰক্ৰিয়া অধিক স্বচ্ছ কৰি তুলিবলৈ আয়োগে তেওঁলোকৰ বিশেষ মোবাইল এপ ‘ECINET’ মুকলি কৰিছে। আগতে ভোটাৰ তালিকাৰ পৰা আৰম্ভ কৰি ভোটকেন্দ্ৰৰ অৱস্থান জানিবলৈ বিভিন্ন ৱেবছাইটলৈ যাবলগীয়া হৈছিল, এতিয়া এটা এপত ৪০টাতকৈও অধিক সেৱা পোৱা যাব।
ECINET এপটো দৰাচলতে কি?
২০২৬ চনৰ জানুৱাৰী মাহত দিল্লীৰ ‘ভাৰত মণ্ডপম’ত অনুষ্ঠিত হোৱা গণতন্ত্ৰ আৰু নিৰ্বাচন ব্যৱস্থাপনা সম্পৰ্কীয় আন্তঃৰাষ্ট্ৰীয় সন্মিলনত মুখ্য নিৰ্বাচন আয়ুক্ত জ্ঞানেশ কুমাৰে আনুষ্ঠানিকভাৱে মুকলি কৰিছিল। এই এপটো ৱান ষ্টপ ডিজিটেল প্লেটফৰ্ম, যিয়ে সাধাৰণ ভোটাৰ, প্ৰাৰ্থী আৰু নিৰ্বাচনী বিষয়াৰ মাজত সেতু হিচাপে কাম কৰিব। এই এপটো ভাৰতৰ সকলো (২২) চৰকাৰী ভাষাতে ব্যৱহাৰ কৰিব পাৰিব।
এই এপটোৰ বিশেষ বৈশিষ্ট্যসমূহ কি কি?
ভোটাৰ কাৰ্ডৰ তথ্য ইয়াত পোৱা যাব: ভোটাৰসকলে সহজেই নিজৰ ডিজিটেল ভোটাৰ আইডি বা e-EPIC ডাউনলোড কৰিব পাৰে।
১) ভোটাৰ তালিকাত আপোনাৰ নাম পৰীক্ষা কৰক: আপুনি এটা ক্লিকতে আপোনাৰ নাম চূড়ান্ত ভোটাৰ তালিকাত আছে নে নাই পৰীক্ষা কৰিব পাৰে।
২) আপোনাৰ ভোটগ্ৰহণ কেন্দ্ৰ ক’ত আছে জানি লওক: আপুনি আপোনাৰ ভোটগ্ৰহণ কেন্দ্ৰৰ স্থান আৰু বুথ স্তৰৰ বিষয়া (বিএলঅ’)ৰ নাম আৰু নম্বৰ জানিব পাৰে।
৩) প্ৰাৰ্থীৰ সকলো তথ্য পাব: নিৰ্বাচনত প্ৰতিদ্বন্দ্বিতা কৰা প্ৰাৰ্থীসকলৰ শৈক্ষিক অৰ্হতা, সম্পত্তি আৰু অপৰাধজনিত তথ্য (KYC) পৰীক্ষা কৰাৰ সুযোগ পাব।
৪) এপটোত ৰিয়েল টাইম আপডেট পাব: নিৰ্বাচনৰ তাৰিখ, ভোটাৰৰ ভোটদানৰ ধাৰা বা ভোটৰ হাৰ আৰু গুৰুত্বপূৰ্ণ ঘোষণাসমূহ এই এপটোৰ জাননীৰ জৰিয়তে পোনপটীয়াকৈ স্মাৰ্টফোনত লাভ কৰিব পাৰিব।
৫) অভিযোগ দাখিলৰ সুবিধাঃ নিৰ্বাচনী প্ৰক্ৰিয়াৰ বিষয়ে যদি আপোনাৰ কোনো অভিযোগ আছে তেন্তে এপটোৰ জৰিয়তে নিজেই আয়োগক জনাব পাৰিব।
কেনেকৈ ডাউনলোড কৰিব?
ECINET এপটো ডাউনলোড আৰু ব্যৱহাৰ কৰাটো অতি সহজ। তলত তাৰ পদ্ধতি দিয়া হ’ল:
১) আপোনাৰ স্মাৰ্টফোনৰ গুগল প্লে ষ্ট’ৰ (এণ্ড্ৰইড ব্যৱহাৰকাৰীৰ বাবে) বা এপল এপ ষ্ট’ৰ (আইফোন ব্যৱহাৰকাৰীৰ বাবে)লৈ গৈ চাৰ্চ বাৰত ‘ECINET’ লিখক।
২) নিৰ্বাচন আয়োগৰ ল’গ’ চাই সঠিক এপটো ডাউনলোড কৰি ইনষ্টল কৰক।
৩) ইনষ্টল হোৱাৰ পিছত এপটো খুলি মোবাইল নম্বৰেৰে ৰেজিষ্ট্ৰেচন সম্পূৰ্ণ কৰক।
৪) প্ৰফাইল চেট কৰাৰ পিছত আপোনাৰ ভোটাৰ আইডি আৰু সমষ্টিৰ সকলো তথ্য চাব পাৰিব।
