সৰ্বভাৰতীয় ফুটবল ফেডাৰেশ্যনৰ দ্বাৰা স্বীকৃতিপ্ৰাপ্ত গ্ৰামাঞ্চলৰ অগ্ৰণী ক্ৰীড়ানুষ্ঠান চামতা আঞ্চলিক ক্ৰীড়া সংঘৰ পৰিচালনাত অনুষ্ঠিত হৈ অহা নৰোৰাম বৰ্মন সোঁৱৰণী ফুটবলৰ এইবেলি ৪১তম সংস্কৰণৰ শনিবাৰৰ উদ্বোধনী খেলত চামতা আঞ্চলিক ক্ৰীড়া সংঘই বৰপেটা আভা স্প’ৰ্টছ একাডেমিক ছাডেন ডেথৰ সহায়ত সামগ্ৰিকভাৱে ৫-৪-ত পৰাজিত কৰে।
বিপুল সংখ্যক স্থানীয় ক্ৰীড়াপ্ৰেমী দৰ্শকৰ উপস্থিতিত অনুষ্ঠিত হোৱা তীব্ৰ উত্তেজনাপূৰ্ণ খেলখন নিৰ্ধাৰিত সময়ত ১-১ ব্যৱধানত ড্ৰ’ হোৱাত টাইব্ৰেকাৰতো ৩-৩ ত ড্ৰ’ হৈ ৰয়। অৱশেষত ছাডেন ডেথৰ জৰিয়তে ১-০ ব্যৱধানত ঘৰুৱা দল চামতা আঞ্চলিক ক্ৰীড়া সংঘ জয়ী হয়।
কালিৰ এই খেলখন পৰিচালনা কৰে সঞ্জীৱ মিশ্ৰ, জয়ন্ত দত্ত আৰু গোকুল দাসে। চতুৰ্থ ৰেফাৰী আছিল মোফিজ আলী। খেলৰ উদ্বোধনী সভাত অসম ফুটবল সন্থাৰ সম্পাদক অংকুৰ দত্ত, অসম চৰকাৰৰ ক্ৰীড়া আৰু যুৱ কল্যাণ বিভাগৰ সঞ্চালক পবিত্ৰৰাম খাউণ্ড, জিলা উপায়ক্ত সঞ্জীৱ কুমাৰ দাস, নলবাৰীৰ বিধায়ক অশোক শৰ্মা, বেলশৰ আৰক্ষী থানাৰ বিষয়া দীপুল বড়ো আদি বিশিষ্ট ব্যক্তিসকল উপস্থিত থাকে
