সৰ্বসাধাৰণ ৰাইজৰ লগতে ছাত্ৰ-ছাত্ৰীৰ সকলক পৰিস্কাৰ-পৰিচ্ছন্নতাৰ প্ৰতি সজাগ কৰিবলৈ অসম চৰকাৰৰ জনস্বাস্থ্য কাৰিকৰী বিভাগে ‘থ্ৰেছটেগ চেলেঞ্জ’ নামৰ এক অভিযান আৰম্ভ কৰিছে।
অভিযানৰ অংশ হিচাপে নগাঁও জিলাৰ ভালেকেইখন মহাবিদ্যালয়ক এই অভিযানত সামৰি লোৱা হৈছে আৰু তাৰ সমান্তৰাল ভাৱে অভিযান শুভাৰম্ভ কৰি কলিয়াবৰ মহাবিদ্যালয়ত বৃহস্পতি বাৰে এক চাফাই অভিযান অনুষ্ঠিত কৰা হয় ।
নগাঁও জিলা পানী আৰু অনাময় সমিতি, নগাঁও আৰু স্বচ্ছ ভাৰত অভিযান (গ্ৰামীন) ৰ সহযোগত কলিয়াবৰ মহাবিদ্যালয়ৰ ছাত্ৰ একতা সভাৰ লগতে কলিয়াবৰ মহাবিদ্যালয়ৰ ছাত্ৰ-ছাত্ৰী সকল লগ হৈ চাফাই অভিযান সুচাৰুৰূপে সম্পন্ন কৰে।
আনহাতে, এই অভিযানত কলিয়াবৰ জনস্বাস্থ্য কাৰিকৰী সংমণ্ডলৰ হৈ জয়ন্ত কুমাৰ শৰ্মাই অভিযানটো তদাৰক কৰি কলিয়াবৰ মহাবিদ্যালয়ৰ ছাত্ৰ-ছাত্ৰীৰ উপস্থিতি আৰু সহযোগিতাত অনুষ্ঠানটো সফল ভাবে সামৰণি মাৰে।
প্ৰশাসনৰ এনেধৰণৰ স্বচ্ছ ভাৰত অভিযানক স্থানীয় ৰাইজ তথা কলিয়াবৰ মহাবিদ্যালয়ৰ ছাত্ৰ ছাত্ৰী, শিক্ষক কৰ্মচাৰীয়ে , আদৰণি জনাইছে।
