পুনৰ এক সুখবৰ আহিছে ৰাজ্যিক কৰ্মচাৰীসকলৰ বাবে। কিয়নো ৰাজ্য চৰকাৰৰ অভিলাষী আঁচনি ‘আপোন ঘৰ’ৰ ম্যাদ বৃদ্ধি কৰা হৈছে। কৰ্মচাৰীসকলক অতি সহজেৰে গৃহ ঋণ প্ৰদানৰ উদ্দেশ্যেৰে আৰম্ভ কৰা এই আঁচনিখনৰ ম্যাদ ২০২০ চনৰ ৩১ মাৰ্চলৈ বৃদ্ধি কৰিছে গৃহ বিভাগে।
বিত্ত বিভাগৰ প্ৰধান সচিব সমীৰ সিনহাই এক জাননীযোগে এই কথা ৰাজহুৱা কৰিছে। এই সন্দৰ্ভত ২০ জুনত বিত্ত মন্ত্ৰী হিমন্ত বিশ্ব শৰ্মাই টুইটৰযোগে জানিবলৈ দি কয় যে এই আঁচনিখনৰ জৰিয়তে বৰ্তমানলৈ ২০,২৮৭ গৰাকী কৰ্মচাৰীয়ে ২৩৯৫.১০ কোটি টকাৰ ঋণ লাভ কৰিছে।
I am glad to share that special interest subvention scheme #AponGhar for availing of housing loan by government employees has been extended till March 31, 2020 on the prevailing terms. A total of 20287 beneficiaries have availed Re 2395.10 cr loan so far.@PMOIndia @mygovassam pic.twitter.com/7CwGh4GSox
— Himanta Biswa Sarma (@himantabiswa) June 20, 2019
উল্লেখযোগ্য যে ৰাজ্য চৰকাৰে ৪.৫০ লাখ ৰাজ্যিক কৰ্মচাৰী উপকৃত হোৱাকৈ সহজ পন্থাত আৰু কম সুদত গৃহ ঋণ প্ৰদানৰ বাবে এই আঁচনিখন গ্ৰহণ কৰিছিল।
এই আঁচনিখনৰ সন্দৰ্ভত ষ্টে’ট বেংক অব ইণ্ডিয়াৰ সৈতে ৰাজ্য চৰকাৰে এখন বুজাবুজিৰ স্বাক্ষৰো কৰিছে।
