দেশৰ ৭৩ তম স্বাধীনতা দিৱস উপলক্ষে অহা ১৫ আগষ্টত গুৱাহাটীকে ধৰি কামৰূপ মহানগৰ জিলাৰ চিনেমা হ’ল সমূহত ছাত্ৰ-ছাত্ৰীৰ বাবে বিনামূলীয়া দৰ্শনীৰ ব্যৱস্থা কৰা হৈছে।
স্বাধীনতা দিৱসৰ দিনা দুপৰীয়া ১২ বজাৰ দৰ্শনীটো ছাত্ৰ-ছাত্ৰী সকলে বিনামূলীয়াকৈ উপভোগ কৰিব পাৰিব।
উক্ত দিনা চিনেমা হ’ল সমূহৰ দুপৰীয়া ১২ বজাৰ দৰ্শনীটোত অক্ষয় কুমাৰ অভিনীত ভাৰতৰ মহাকাশ সফলতাৰ পটভূমিত নিৰ্মাণ কৰা ‘মিছন মংগল’ ছবি খন প্ৰদৰ্শন কৰা হ’ব।
জিলা প্ৰশাসনে ইতিমধ্যে গুৱাহাটী মহানগৰী তথা জিলা খনৰ চিনেমা হ’ল সমূহৰ কৰ্তৃপক্ষৰ সৈতে আলোচনাত মিলিত হৈ এই সন্দৰ্ভত সিদ্ধান্ত গ্ৰহণ কৰিছে বুলি জানিব দিয়ে।
উল্লেখ্য যে, ছাত্ৰ-ছাত্ৰী সকলে চিনেমা হ’ল সমূহত প্ৰৱেশৰ সময়ত নিজ নিজ বিদ্যালয় তথা শিক্ষানুষ্ঠানৰ পৰিচয় পত্ৰ দেখুৱাব লাগিব।
আনহাতে, আগন্তুক স্বাধীনতা দিৱস উপলক্ষে মহাগৰীকে ধৰি জিলাখনত নিৰাপত্তা ব্যৱস্থা কটকটীয়া কৰি তোলা হৈছে।
