সুষমা স্বৰাজৰ দৰেই সদ্যপ্ৰয়াত অৰুণ জে’টলিও আছিল বিজেপিৰ বাজপেয়ী-যুগীয়া ৰসবোধ আৰু সৰ্বজনপ্ৰিয়তাৰ প্ৰতিনিধি।
সংসদৰ মজিয়াত মোদী চৰকাৰৰ বিপদৰ বন্ধু বাকপটু নেতাজনৰ মৃত্যুৰ পিছতে পোহৰলৈ আহিছে ব্যক্তি-জে’টলিৰ “বৰ্ধিত পৰিয়াল”ৰ কথা।
জে’টলিৰ পৰিয়ালৰ লগত যোৱা ত্ৰিছ বছৰ ধৰি আছে প্ৰায় ১০ গৰাকী কৰ্মচাৰী। অৰুণ জে’টলিৰ ল’ৰা-ছোৱালী য’ত পঢ়িছিল, তেওঁ তাতেই পঢ়াইছিল তেওঁৰ ৰান্ধনী আৰু ড্ৰাইভাৰৰ লৰা ছোৱালীকো।
জে’টলিৰ সন্তান ৰোহন আৰু সোণালীয়ে পঢ়িছিল নতুন দিল্লীৰ চাণক্যপুৰিস্থিত কাৰ্মেল কনভেন্ত স্কুলত। আৰু তাতেই তেওঁ নিজ কৰ্মচাৰীসকলৰ ল’ৰা-ছোৱালীকো পঢ়ুৱাইছিল।
জে’টলিৰ পৰিয়ালৰ কৰ্মচাৰীৰ ৩ গৰাকীকৈ সন্তানে এতিয়াও বিদেশত অধ্যয়ন কৰি আছে।
ৰান্ধনী যোগেন্দ্ৰৰ দুজনী ছোৱালীৰ এগৰাকী বৰ্তমান লণ্ডনত অধ্যয়ন কৰি আছে। সংসদত জেটলিৰ ছাঁটোৰ দৰে লাগি থকা গোপাল ভাণ্ডাৰীৰ এজন ল’ৰা ডাক্তৰ আৰু আনজন এঞ্জিনিয়াৰ।
সহায়ক অ’ পি শৰ্মাৰ ল’ৰা চেতনক জে’টলিয়ে ২০০৫ চনত নিজৰ ৬৬৬৬ নম্বৰৰ হুণ্ডাই এচেন্ত গাড়ীখন উপহাৰ দিছিল।
সকলোকে তেওঁৰ নিজৰ পৰিয়ালৰ দৰেই স্থান দিছিল। আনহাতে তেওঁৰ কৰ্মচাৰী সকলেও তেওঁক নিজৰ পৰিয়ালৰ দৰেই জ্ঞান কৰিছিল।
