পশ্চিম বংগৰ বৰ্ধমানত ২০১৪ চনত সংঘটিত বিস্ফোৰণৰ গোচৰত ৰাষ্ট্ৰীয় অনুসন্ধান সংস্থাৰ আদালতে বুধবাৰে চাৰিজন বাংলাদেশী, ছাহানুৰ আলমসহ অসমৰ তিনিজনকে ধৰি মুঠ ১৯ গৰাকী জেহাদীক দোষী সাব্যস্ত কৰে।
দোষী সাব্যস্ত হোৱা প্ৰতিগৰাকী জেহাদীয়ে বৰ্ধমান বিস্ফোৰণৰ লগত জড়িত থকা বুলি স্বীকাৰ কৰে।
৩০ আগষ্টত অপৰাধী কেইজনৰ শাস্তি ঘোষণা কৰিব নিয়াৰ আদালতে।
উল্লেখযোগ্য যে, বৰ্ধমান বিস্ফোৰণৰ লগত জড়িত থকা অসমৰ মুল অভিযুক্ত ছাহানুৰ আলমৰ ঘৰ বৰপেটা জিলাৰ চতলা গাঁৱত।
লগতে পঢ়ক : তিনি বছৰ ঘৰৰ লগত যোগাযোগ নাছিল বৰ্ধমান বিস্ফোৰণ কাণ্ডত গ্ৰেপ্তাৰ হোৱা আব্দুল মতিনৰ
আদালতে, ছাহানুৰ আলমৰ লগতে দোষী সাব্যস্ত হোৱা অসমৰ আন দুজন অভিযুক্ত হ’ল ছাকিউল ইছলাম আৰু ছহিদুল ইছলাম।
ছাকিউল ইছলামৰ ঘৰ বৰপেটা জিলাৰ কাহিকুছিত হোৱাৰ বিপৰীতে ছহিদুল ইছলামৰ ঘৰ বৰপেটা জিলাৰে ৰৌমাৰিপথাৰত।
পশ্চিম বংগৰ বৰ্ধমান জিলাৰ খগ্ৰাগড় অঞ্চলত ২০১৪ চনৰ ২ অক্টোবৰত বিস্ফোৰণ সংঘটিত কৰিছিল জেহাদীৰ দলটোৱে।
বিস্ফোৰণৰ ঘটনাত দোষী সাব্যস্ত কৰা বাংলাদেশী নাগৰিক কেইজন নিষিদ্ধ ঘোষিত সন্ত্ৰাসবাদী সংগঠন জামাত-উল-মুজাহীদিন বাংলাদেশৰ সদস্য।
লগতে পঢ়ক : কেৰালাৰ পৰা জামাতুল মুজাহিদিনৰ সদস্য বৰপেটাৰ আব্দুল মতিনক গ্ৰেপ্তাৰ কলকাতা আৰক্ষীৰ
ঘটনাৰ তদন্তত নিয়াই বৃহৎ পৰিমাণৰ বিস্ফোৰক সামগ্ৰীৰ লগতে, হেণ্ড গ্ৰেনেড, আই ই ডি আৰু প্ৰশিক্ষণৰ ভিডিঅ’ উদ্ধাৰ কৰিবলৈ সক্ষম হৈছিল।
সমগ্ৰ ঘটনাৰ লগত জড়িত থকাৰ সন্দেহত মুঠ ৩০ গৰাকী লোকক গ্ৰেপ্তাৰ কৰি শ্বাৰ্জশ্বিট দাখিল কৰা হৈছিল।
