নতুন বছৰক আদৰণি জনাবলৈ সকলোৱে প্ৰস্তুতি চলাই থকাৰ সময়তে ৰিলায়েন্স জিঅ’ই গ্ৰাহকৰ বাবে আগবঢ়াইছে এক আকৰ্ষণীয় ধামাকা অফাৰ।
মুকেশ আম্বানিৰ কোম্পানীটোৱে আন আন বছৰৰ দৰে এইবাৰো হেপী নিউ ইয়েৰ অফাৰ ঘোষণা কৰিছে।
তিনি বছৰ পূৰ্বে জিঅ’ই বিনামূলীয়া ডাটা ব্যৱহাৰৰ সুবিধা আগবঢ়াইছিল। এইবাৰো গ্ৰাহকৰ বাবে আন এক আকৰ্ষণীয় অফাৰ লৈ আহিছে জিঅ’ই। এই হেপী নিউ ইয়েৰ অফাৰত আচলতে কি আছে?
জিঅ’ৰ ফালৰ পৰা জনোৱা হৈছে যে এই বিশেষ প্লেনত প্ৰিপেইড গ্ৰাহকসকলে এবছৰৰ বাবে আনলিমিটেড ভইচ কল, এছ এম এছ আৰু ডাটাৰ সুবিধা পাব।
এবছৰত ২০২০ টকা অৰ্থাৎ প্ৰতি মাহে ২০০ টকাতকৈও কম খৰচত গ্ৰাহকে জিঅ’ৰ আনলিমিটেড সেৱা লাভ কৰিব।
গ্ৰাহকসকলে এই প্লেনত প্ৰতিদিনে ডেৰ জিবি ডাটা আৰু আনলিমিটেড ভইচ কলৰ সুবিধা লাভ কৰিব।
ইয়াৰ উপৰি এই প্লেনত আছে বিনামূলীয়া JioTV, JioCinema আৰু JioNewsৰ সুবিধা।
অৱশ্যে, এই অফাৰ সীমিত সময়ৰ বাবেহে মুকলি কৰা হৈছে। আজি অৰ্থাৎ মঙলবাৰৰ পৰা এই অফাৰ আৰম্ভ হৈছে। গ্ৰাহকসকলে এতিয়াই স্মাৰ্টফোনৰ MyJioএপ খুলি অফাৰটো সম্পৰ্কে বিতং জানি ল’ব পাৰে।
এইবাৰ আহক জিঅ’ ফোনৰ বিশেষ অফাৰৰ বিষয়ে জানি লওক। “২০২০ জিঅ’ ফোন হেপী নিউ ইয়েৰ’ অফাৰটো জিঅ’ৰ নতুন গ্ৰাহকসকলৰ বাবে।
যিসকলে নতুন বছৰত জিঅ’ ফোন কিনিব বিচাৰে তেওঁলোকে এই ফোনটো ১৫০০ টকাতে লাভ কৰিব। তাৰ লগতে গ্ৰাহকে প্ৰতিদিনে ০.৫ জিবি হাই স্পীড ইন্টাৰনেট ডাটাৰ সুবিধা তথা আনলিমিটেড ভইচ কলৰ সুবিধা লাভ কৰিব।
কেবল সেয়াই নহয়, ইয়াৰ লগতে তেওঁলোকে এছ এম এছ আৰু অন্যান্য জিঅ’ এপৰ সুবিধাসমূহো লাভ কৰিব। এই প্লেনৰ ভেলিডিটি ৩৬৫দিন।
এই অফাৰো আজি অৰ্থাৎ মঙলবাৰৰ পৰাই আৰম্ভ হৈছে। মনত ৰাখিব, আনলিমিটেড ভইচ কল জিঅ’ৰ পৰা জিঅ’ নম্বৰলৈকে তথা লেণ্ডলাইন নম্বৰৰ বাবেহে প্ৰযোজ্য।
ফেয়াৰ য়ুজেছ পলিচি(FUP) অনুসৰণ কৰি আন টেলিকম অপাৰেটৰত কল কৰিলে প্ৰতি মিনিটত ৬ পইচা ভৰিব লাগিব।
তথাপি, হেপী নিউ ইয়েৰ প্লেন জিঅ’ গ্ৰাহকৰ বাবে এক আকৰ্ষণীয় অফাৰ হিচাপে বিবেচিত হৈছে।
