নাগৰিকত্ব (সংশোধন) আইন সম্পৰ্কে বলিউদৰ অভিনেতা অনুপম খেৰে গ্ৰহণ কৰা স্থিতিৰ বাবে অনুপম খেৰক ‘বহুৱা’ আখ্যা দিছে বলিউদৰ আন এগৰাকী বৰ্ষীয়ান অভিনেতা নাছিৰুদ্দিন শ্বাহে।
‘‘অনুপম খেৰক গুৰুত্ব দিয়াৰ প্ৰয়োজন নাই। তেওঁ এগৰাকী বহুৱা। এফ টি আই আৰু ৰাষ্ট্ৰীয় নাট্য বিদ্যালয়ৰ তেওঁৰ সহপাঠি সকলে খেৰৰ স্বভাৱৰ বিষয়ে জানে,’’ নাছিৰুদ্দিন শ্বাহে খেৰক কটাক্ষ কৰি কয়।
আনহাতে, দেশজুৰি নাগৰিকত্ব (সংশোধন) আইন বিৰোধী আন্দোলনত বলিউদে কিয় সক্ৰিয়া ভুমিকা পালন কৰা নাই সেই সম্পৰ্কত চিন্তা ব্যক্ত কৰে নাছিৰুদ্দিন শ্বাহে।
তদুপৰি, দিল্লীৰ জৱাহৰলাল নেহৰু বিশ্ববিদ্যালয়ৰ মাৰপিটৰ ঘটনাৰ পাছত বিশ্ববিদ্যালয়খনৰ ছাত্ৰ-ছাত্ৰী সকলৰ ওচৰত উপস্থিত হোৱা অভিনেত্ৰী দিপীকা পাডুকনক সাহসী আখ্যা দিয়ে অভিনেতী নাছিৰুদ্দিন শ্বাহে।
উল্লেখযোগ্য যে, অভিনেতা অনুপম খেৰে দেশজুৰি হোৱা নাগৰিকত্ব (সংশোধন) আইন বিৰুধী আন্দোলনক সমালোচনা কৰিছিল আৰু চৰকাৰৰ পাকিস্তান, আফগানিস্তান, বাংলাদেশত ধৰ্মীয় উৎপীড়নৰ বলি হোৱা পাঁচটা ধৰ্মৰ লোকক নাগৰিকত্ব দিয়া সিদ্ধান্তক আদৰণি জনাইছিল।
