ঠিকাদাৰী প্ৰতিষ্ঠানৰ বিৰুদ্ধে দুই নম্বৰী কামৰ অভিযোগে জোকাৰি গৈছে ডিব্ৰুগড়ৰ অসম চিকিৎসা মহাবিদ্যালয়। যোৱা দেওবাৰে নিশা অসম চিকিৎসা মহাবিদ্যালয়ৰ বিশেষ সেৱা থকা ব্লকৰ তৃতীয় মহলাৰ এখন চিলিং হঠাৎ খহি পৰি আহত হয় এগৰাকী কৰ্তব্যৰত নাৰ্ছ।
হাস্পতালখনৰ নিউৰ’ল’জি আৰু ইউৰ’ল’জিৰ দৰে গুৰুত্বপূৰ্ণ বিভাগ থকা মহলাটোত কোনো ৰোগী আহত হোৱা নাই যদিও বহুকেইজন ৰোগীৰ কথামপিহে প্ৰাণ ক্ষা পৰে।
লগতে পঢ়কঃ ডেংগুৰ বাবে কমি গৈছে প্লেটলেট; চেন্নাইৰ হাস্পাতালত ভৰ্তি তাৰকা অ’পেনাৰ শুভমন গীল!
বাতৰি মতে, অট্টালিকাটোৰ নিৰ্মাণৰ ঠিকা পোৱা হায়দৰাবাদৰ কে এম ভি নামৰ এটা প্ৰতিষ্ঠানে ২০১৬ চনত নিৰ্মাণৰ কাম আৰম্ভ কৰি মাত্ৰ দুবছৰ পূৰ্বে ২০২১ চনত অট্টালিকাটো সম্পূৰ্ণ কৰিছিল। ২০২২ চনৰ পৰা ভৱনটোত চিকিৎসা সেৱা আৰম্ভ হয়।
জানিব পৰা মতে, সেৱা আৰম্ভ কৰাৰ পিছতে ভৱনটোত বিভিন্ন বিসংগতি লক্ষ্য কৰি হাস্পতাল কৰ্তৃপক্ষই সেই বিষয়ে সংশ্লিষ্ট কৰ্তৃপক্ষক অৱগত কৰিছিল যদিও সংশ্লিষ্ট কৰ্তৃপক্ষই কোনোধৰণৰ ব্যৱস্থা গ্ৰহণ নকৰা বুলি অভিযোগ উত্থাপিত হৈছে।
ইপিনে, দেওবাৰৰ ঘটনাৰ পৰিপ্ৰক্ষিতত হাস্পাতাল কৰ্তৃপক্ষই ঠিকাদাৰী প্ৰতিষ্ঠানটোৰ বিৰুদ্ধে নিম্নমানৰ কাম কৰাৰ অভিযোগ তুলি আৰক্ষী থানাত গোচৰ ৰুজু কৰিছে।
লগতে পঢ়কঃ ইজৰাইলত আছে ১৮০০০ ভাৰতীয়; প্ৰত্যাৱৰ্তনৰ বাবে বহু আবেদন দাখিল দূতাবাসত
ঘটনাৰ পিছতে ডিব্ৰুগড় জিলা প্ৰশাসনে ইতিমধ্যে এখন তদন্ত কমিটি গঠন কৰি ঘটনা সন্দৰ্ভত তদন্তৰ নিৰ্দেশ দিয়ে।
