“সাহিত্য-সমালোচনাৰ এটা নিজস্ব পৰম্পৰা আৰু ঐতিত্য আছে আৰু অসমীয়া সাহিত্য-সমালোচনাত বিভিন্ন বাদে ক্রিয়া কৰিছে যদিও বিশাল পৰিসৰত সমালোচনা-তত্বৰ প্রভাৱ দেখা নাযায় যাৰ ফলত নব্য-সমালোচনাই পাঠৰ গুৰুত অনা স্বত্বেও ইয়াৰ গতিয়ে কিন্তু পাঠক-দৰ্শকৰ প্রয়োজনীয়তাক প্ৰতিষ্ঠা কৰাত বিশেষ মাত্ৰা লাভ কৰা নাই।” বিশ্ব সাহিত্যৰ শেহতীয়া ধাৰাৰ সতে খাপ খাব পৰাকৈ অসমীয়া সাহিত্য-সমালোচনাৰ দিশটো গঢ়ি তোলাত বিশেষভাৱে মনোযোগ দিবলৈ গৱেষণাধৰ্মী সাহিত্য আলোচনী ‘স্বৰ্ণলিপি’ৰ তৰফৰপৰা আজি আৰু কালি ১০ আৰু ১১ অক্টোবৰত দুদিনীয়াকৈ আয়োজন কৰা সাহিত্য সমালোচনাৰ তত্ব আৰু অসমীয়া সাহিত্য সমালোচনাৰ গতি-পৰকৃতি শীৰ্ষক ৰাষ্ট্ৰীয় পৰ্যায়ৰ বেবিনাৰত মুখ্য বক্তাৰূপে ভাগ লৈ বিশিষ্ট সমালোচক ডিব্ৰুগড় বৰ্দ্বদ্যালয়ৰ ইংৰাজী বিভাগৰ অৱসৰী প্ৰাধ্যাপক ডঃ আনন্দ বৰমুদৈয়ে এনেদৰে কয়।
তদুপৰি কিছুমান নাটকত আজি কালি ব্যৱহাৰ কৰা ধৰণৰ অশালীন সন্মানজনক শব্দপ্ৰয়োগক সাহিত্য-সমালোচনহি কেতিয়াও সমৰ্থন নকৰে বুলি ডঃ বৰমুদৈয়ে উল্লেখ কৰি কয় যে সাহিত্য-সমালোচনাত সম্প্ৰতি পাঠ আৰু পাঠকৰ প্ৰতিক্ৰিয়াৰ গুৰুত্ব যথেষ্ট বৃদ্ধি পাইছে আৰু নতুন সমালোচকসকলে এনেবোৰ কথাত মনোনিবেশ কৰিব লাগে।
আন এগৰাকী মুখ্যবক্তা গুৱাহাটী বিশ্ববিদ্যালয়ৰ ইংৰাজী বিভাগৰ প্ৰাধ্যাপক সমালোচক ডঃ বিভাস চৌধুৰীয়ে ৱেবিনাৰত ভাগ লৈ কয় যে আধুনিক সমালোচনাত পাঠৰ লগতে লেখকৰ ৰচনাৰ পৰিৱেশ আৰু সমালোচকৰ নিজা পৰ্যবেক্ষণ, সামঞ্জস্য-নিৰীক্ষণেও বিশেষ মাত্ৰা পাইছে যাৰ ফলত পদ্ধতিগত বিচাৰ আৰু নব্য-ঐতিহা চেতনাই সম্প্ৰতি সমালোচনাক বেলেগ এটা দিশত প্ৰতিষ্ঠা কৰিছে। সাহিত্য সমালোচনা কেতিয়াও ব্যক্তিকেন্দৰিক হোৱা অনুচিত বুলিও ডঃ চৌধুৰীয়ে লগতে কয়।
ৱেবিনাৰখনত অংশ গ্ৰহণ কৰি ডিব্রুগড় বিশ্ববিদ্যালয়ৰ অসমীয়া বিভাগৰ প্ৰাধ্যাপক ডঃ পল্লৰী ডেকা বুজৰবৰুৱাই ভাৰতীয় সাহিত্যৰ তুলনাত্মক সমালোচনাৰ দিশত আলোকপাত কৰি ভাৰতীয় পটভূমিত সমালোচনাই গঠনাত্মক অধ্যয়ন আৰু অখণ্ড মানৱীয় স্বৰূপপ্ৰকাশত গুৰুত্ব আৰোপ কৰাৰ বিষয়ে বিস্তৃতভাৱে ব্যাখ্যা কৰে।
আনন্দৰাম ঢেকিয়াল ফুকন মহাবিদ্যালয়ৰ সহকাৰী অধ্যাপক অৰিন্দম বৰকটকীয়ে ৱেবিনাৰখনত সমল ব্যক্তিৰূপে অংশগ্ৰহণ কৰি অসমীয়া সাহিত্য-সমালোচনাই প্রাক-স্বৰাজ আৰু স্বৰাজোত্তৰ কালছোৱাত পৰম্পৰাবাদ আৰু ঐতিহ্যৰ বিভিন্ন পৰ্বৰ মাজেদি আগবাঢ়ি সম্প্ৰতি এটা পৰ্যায় পাইছে বুলি ব্যাখ্যা কৰে আৰু সাহিত্য-সমালোচনাত মেধাৰ লগতে মানবীয়তাৰো দৰ্কাৰ বুলি পোষকতা কৰে।
ৱেবিনাৰখনত আন এগৰাকী সমলব্যক্তি ডিব্ৰগড় বিশ্ববিদ্যালয়ৰ ইংৰাজীৰ সহকাৰী অধ্যাপক ডঃ অনুৰাগ ভট্টাচাৰ্যই অতি শেহতীয়া পৰিবেশশাস্ত্ৰ শৈলী সমালোচনাধাৰা সম্পৰ্কে ব্যাখ্যা আগবঢ়াই কয় যে সম্প্ৰতি সাহিত্যৰ গুৰুত্ব মানৱকেন্দ্ৰিকৰপৰা জীৱকেন্দ্ৰিক হৈছে আৰু ইয়ে গঠনমূলক আলোচনাত নতুন মাৰ্গদৰ্শন কৰিছে।
হেমচন্দ্ৰ দেৱগোস্বামী মহাবিদ্যালয়ৰ সহকাৰী অধ্যাপিকা গীতালি শইকীয়াই সমলব্যক্তিৰূপে ভাগ লৈ সমালোচকৰ দায়িত্বনিষ্ঠাৰ ওপৰত গুৰুত্ব আৰোপ কৰে।
ৱেবিনাৰখনত দুয়োদিনেই গৱেষকসকলে ভালেকেইখন গৱেষণাপত্ৰ উত্থাপন কৰে আৰু ইয়াৰ শৈক্ষিক কাৰ্যব্ৰুমণিকাত ভাগ লৈ কৃষ্ণকান্ত সন্দিকৈ ৰাজ্যিক মুক্ত বিশ্ববিদ্যালয়ৰ অসমীয়া বিভাগৰ সহযোগী অধ্যাপিকা ডঃ নিভাৰাণী ফুকনে পঠিত গবেষণাপত্ৰসমূহৰ সন্দৰ্ভত বিস্তৃত আলোচনা আগবঢ়ায় স্বৰ্ণলিপিৰ উপদেষ্টা অৱসৰী প্ৰাধ্যাপক সাহিত্যাচাৰ্য ডঃ পৰাগ কুমাৰ ভট্টাচাৰযয়ো সাহিত্য-সমালোচনা সন্দৰ্ভত নিজৰ মতামত আগবঢ়াই।
স্বৰ্ণলিপিৰ সম্পাদক হৃদয়ানন্দ গগৈৰ সঞ্চালনত অনুষ্ঠিত দুয়োদিনাৰ ৱেবিনাৰত সমাজতন্ত্ৰ, মার্ক্সবাদ, উপনিবেশিকভাবাদ, নন্দনতন্ব, ৰূপতন্ব, অস্তিত্ববাদ, উত্তৰ আধুনিকতাবাদ, মেজিক ৰিয়েলিজম, উপান্ত গোট অধ্যয়ন, সামাজিক লিংগভিত্তিক অধ্যয়ন, ইক’ ক্লিটিকেল অধ্যয়ন আদি ভালেমান দিশত বক্তা আৰু গৱেষকসকলে নিজস্থ দৃষ্টিভংগী প্রকাশ কৰি অসমীয়া উপন্যাস, চুটিগল্, কবিতা, নাটক আৰু সৃষ্টিশীল সাহিত্য সন্দৰ্ভত সমালোচনাৰ গতি-প্ৰকৃতি ব্যাখ্যা কৰে।