শিৱসাগৰৰ মেলাচকৰ অঞ্চলৰ এক সম্ভ্ৰান্ত পৰিয়ালৰ বোৱাৰী তথা বিশিষ্ট সমাজকৰ্মী, লেখিকা তথা পৰশুৰাম বৰুৱাৰ সহধৰ্মিনী ক্ষীৰদা কুমাৰী বৰুৱাৰ যোৱা ৫ ডিচেম্বৰত পৰলোকপ্ৰাপ্তি ঘটে।
তেওঁৰ মৃত্যুত আজি শিৱসাগৰৰ নাট্য সমাজ আৰু শিৱসাগৰবাসী ৰাইজৰ সহযোগত এক ৰাজহুৱা শ্ৰদ্ধাঞ্জলি জনোৱাৰ লগতে স্মৃতিচাৰণ অনুষ্ঠানৰ আয়োজন কৰা হয়।
শিৱসাগৰৰ মেলাচকৰৰ জুনিয়ৰ কলেজ প্ৰাঙ্গণত অনুষ্ঠিত ৰাজহুৱা শ্ৰদ্ধাঞ্জলি অনুষ্ঠানত শিৱসাগৰৰ বিভিন্ন দল সংগঠনৰ লগতে বৃহত্তৰ মেলাচকৰবাসী ৰাইজৰ লগতে শিৱসাগৰৰ বহু অনুষ্ঠান-প্ৰতিষ্ঠানে বিশিষ্ট সমাজসেৱিকা তথা লেখিকা ক্ষীৰদা কুমাৰী বৰুৱালৈ শ্ৰদ্ধাঞ্জলি জ্ঞাপন কৰে।
Also Read: কিংবদন্তি ফুটবলাৰ মাৰাডোনাৰ ঘড়ীৰ পাছত চোৰ ৱাজিদৰ জিম্মাৰ পৰা পুনৰ উদ্ধাৰ বহু সামগ্ৰী
বিশিষ্ট সমাজকৰ্মী সৌৰভ চলিহাই আঁত ধৰা এক গাম্ভীৰ্যপূৰ্ণ অনুষ্ঠানত বহু গণ্য মান্য ব্যক্তি, ক্ষীৰদা কুমাৰী বৰুৱাৰ পৰিয়ালৰ সদস্য তথা শুভাকাংক্ষীয়ে বিশিষ্ট সমাজসেৱিকা গৰাকীক স্মৰণ কৰাৰ লগতে শ্ৰদ্ধা নিবেদন কৰে।
উল্লেখ্য যে ক্ষীৰদা কুমাৰী বৰুৱা হৈছে আন্তঃৰাষ্ট্ৰীয় সৰোদ বাদক আমজাদ আলি খানৰ শাহুৱেক। ক্ষীৰদা কুমাৰী বৰুৱাৰ মাজু কন্যা শুভলক্ষ্মী বৰুৱা খান আমজাদ আলি খানৰ পত্নী।