শিৱসাগৰৰ দিচাং ৰজাবাৰীত সংঘটিত হৈছে এক চাঞ্চল্যকৰ হত্যাকাণ্ড। ভাৰতীয় খাদ্য নিগমৰ চাউল কঢ়িওৱা ট্ৰাকৰ এজন চালকক নৃশংসভাৱে ভাৱে হত্যা কৰা হৈছে ৷
স্ক্ৰু ড্ৰাইভাৰেৰে হানি খুচি হত্যা ট্ৰাক চালক ইনামুল হুছেইনক ৷
বলিয়াঘাটৰ নিৱাসী ইনামূল হুছেইনে কালি নিশা দক্ষিণ মাহমৰাত চাউল নমাই উভতি অহাৰ পথত দিচাং ৰজাবাৰীত সংঘটিত হয় লোমহৰ্ষক এই হত্যাকাণ্ড ৷
হত্যাকাণ্ড সংঘটিত হোৱাৰ প্ৰাক মুহূৰ্তত দুৰ্ভগীয়া ইনামুলে কৰিছিল এক বিস্ফোৰক মন্তব্য ৷
‘মোক যদি শেষ বাৰৰ বাবে চাবলৈ মন আছে তেন্তে মোলৈ ভিডিঅ কলিং কৰা ৷’ মৃত্যুৰ আগমুহূৰ্তত চালক পত্নী চালমালৈ ইনামুলে প্ৰেৰণ কৰিছিল এই শেষ বাৰ্তা ৷
অন্তিম ফোনটোত এজন হত্যাকাৰীৰ নামো উল্লেখ কৰে দুৰ্ভগীয়া ইনামুলে ৷
হত্যাৰ প্ৰাক মুহূৰ্তত তেওঁ ললিতৰ নাম উল্লেখ কৰে ৷
নিশা প্ৰায় এঘাৰ বজাত এই হত্যাকাণ্ড সংঘটিত হোৱাৰ সন্দেহ কৰা হৈছে ৷
পৰিয়ালৰ লোকে শিৱসাগৰ সদৰ থানাত ললিত, হৰিকান্ত, পাপু, লাহণৰ নাম উল্লেখেৰে এখন এজাহাৰ দাখিল কৰিছে ৷
আৰক্ষীয়ে ঘটনাস্থলীৰ পৰা দুৰ্ভগীয়া ইনামুলে চলোৱা এএচ ০১ এচি ১৬০৬ নম্বৰৰ খালি ট্ৰাকখন উদ্ধাৰ কৰাৰ লগতে এজন হত্যাকাৰীয়ে ব্যৱহাৰ কৰা এ এচ ০১ এচ ৯৯৮৪ নম্বৰৰ ট্ৰাক দুখন জব্দ কৰিছে ৷
এই ঘটনাই শিৱসাগৰত চাঞ্চল্যৰ সৃষ্টি কৰিছে। ইনামুলৰ মৃতদেহ ইতিমধ্যে আৰক্ষীয়ে মৰণোত্তৰ পৰীক্ষাৰ বাবে প্ৰেৰণ কৰিছে ৷
ইপিনে,পত্নী চালমা বেগমে সংবাদ মাধ্যমৰ সন্মুখত বহু বিস্ফোৰক অভিযোগ উত্থাপন কৰিছে ৷
