ৰাজহুৱা উৎসৰ জৰিয়তে জ্ঞান ব্যৱস্থাপনা কৰাৰ বাবে ৰাজ্যিক পৰামৰ্শ আলোচনাচক্ৰ এখন ত্ৰিপুৰাৰ ধৰ্মনগৰত আয়োজন কৰা হয়। জিলা দণ্ডাধীশৰ কাৰ্যালয়ৰ আলোচনাকক্ষত গ্ৰামোন্নয়ন কেন্দ্ৰই (CRD) এই আলোচনাচক্ৰখন আয়োজন কৰিছিল।
উল্লেখ্য যে বিকাশপেডিয়া হৈছে ভাৰত চৰকাৰৰ দ্বাৰা আগবঢ়োৱা অনলাইন তথ্য নিৰ্দেশনা বেৱচাইট। এই ৱেবছাইটটো বাস্তৱায়িত কৰিছে হাইদৰাবাদৰ চি-ডাকে আৰু যোগাযোগ আৰু তথ্য প্ৰযুক্তি মন্ত্ৰ্যালয়ৰ ইলেক্ট্ৰনিকছ আৰু তথ্য প্ৰযুক্তি বিভাগে ইয়াক পৰিচালিত কৰে।
অসমীয়াকে ধৰি দেশখনৰ ২২ ভাষাত বিকাশপেডিয়া প্ৰকাশিত হয় আৰু ইয়াৰ কৃষি, স্বাস্থ্য, শিক্ষা, সমাজ কল্যাণ, শক্তি আৰু ই-গভৰ্নেঞ্চ এই ৬টা ড’মেইন আছে।
অসমীয়া বিকাশপেডিয়াই অসমৰ অখণ্ডতা আৰু শিপাক দৃঢ়তাৰে ৰখাত নিজস্ব ভূমিকা পালন কৰি আছে। এই প্ৰৰ্যন্ত বিকাশপেডিয়াৰ নিৰ্দিষ্ট ড’মেইনত ৪০,০০০তকৈও অধিক পৃষ্ঠা আপলোড কৰা হৈছে। সমগ্ৰ বিশ্বত অসমীয়া বিকাশপেডিয়া ৫লাখ লোকে চাইছে।
ত্ৰিপুৰাৰ আলোচনাচক্ৰখন উদ্বোধন কৰে ত্ৰিপুৰা মহিলা আয়োগৰ অধ্যক্ষা বৰ্ণালী গোস্বামীয়ে। আৰক্ষীৰ উপ তত্বাৱধায়ক দীপাংকৰ পাল, চিকেডিৰ প্ৰতিষ্ঠাপক আৰু কাৰ্যবাহী সঞ্চালক ড০ প্ৰদীপ কুমাৰ শৰ্মাই কেনেদৰে বিশেষ বিশেষ বিষয়ৰ প্ৰৱন্ধ নিজৰ নিজৰ ভাষাত বিকাশপেডিয়াত অন্তৰ্ভুক্ত কৰিব লাগে সেয়া আলোচনাচক্ৰত উপস্থিত সকলো সদস্যৰ আগত ব্যখ্যা কৰিছিল।
গ্ৰামোন্নয়ন কেন্দ্ৰৰ গোটটোৱে বিশিষ্ট অতিথিসকলক সম্বৰ্ধনা জনায়। গ্ৰামোন্নয়ন কেন্দ্ৰৰ ৰাষ্ট্ৰীয় সমন্বয়ক বিশ্বজ্যোতি বৰুৱাই বিকাশপেডিয়াৰ পুংখানুপুংখ ব্যাখ্যা প্ৰদান কৰে।
অখণ্ড বিকাশ পৰিষদৰ সাধাৰণ সচিব কান্ত নাথে সকলোকে স্বেচ্ছামূলকভাৱে ৰাজ্যখনৰ তথ্যসমূহ বিকাশপেডিয়াৰ বিশ্বজনীন মঞ্চখনত প্ৰকাশ কৰাৰ বাবে আৱেদন জনায়।
