অসমত প্ৰৱজিত শ্ৰমিক সকলক পুনৰ সংস্থাপনৰ বাবে অসম প্ৰদেশ বিজেপিয়ে এটা প্ৰব্ৰজিত শ্ৰমিক জৰীপ কোষ গঠন কৰি সমগ্ৰ অসমতে এক জৰীপ কাৰ্যসূচী আৰম্ভ কৰিছে।
ইয়াৰে অংশস্বৰূপে শনিবাৰে ৰাজ্যিক বিজেপিৰ সভাপতি ৰঞ্জিত দাসৰ নিৰ্দেশমৰ্মে ক’ৰ’না মহামাৰীৰ ভয়াৱহতাৰ বাবে বহিঃৰাজ্যৰ পৰা অসমলৈ ঘূৰিঅহা ভাই ভনী তথা প্ৰব্ৰজিত শ্ৰমিকক কৰ্ম সংস্থাপনৰ ব্যৱস্থাৰ বাবে কলিয়াবৰ জিলাৰ সাধাৰণ সম্পাদক তথা কলিয়াবৰ সমষ্টিৰ “প্ৰব্ৰজিত শ্ৰমিক সম্পৰ্ক কোষ”ৰ প্ৰমুখ দীপক বৰঠাকুৰৰ উপস্থিতিত মণ্ডল সভাপতি ৰঞ্জন হাজৰিকা আৰু জিলা যুৱ মৰ্চা, মণ্ডলৰ বিষয়ববীয়া, তথা জখলাবন্ধা গাঁও পঞ্চয়তৰ সভানেত্ৰী তৃষাৰণি শইকীয়া, জিলা পৰিষদৰ সদস্য জীতেন গৌড় কাউনন্সিলৰ আৰু ৱাৰ্ড সদস্যসকলৰ সহযোগত প্ৰব্ৰজিত শ্ৰমিক সম্পৰ্ক কোষৰ অভিযান আৰম্ভ কাৰ্যসূচী শুভাৰম্ভ কৰে।
ইয়াৰোপৰি বিষয় ববীয়াসকলে জখলাবন্ধা গাঁও পঞ্চায়তৰ অন্তৰ্গত বিভিন্ন গাঁৱৰ লোকসকলৰ ঘৰে ঘৰেগৈ শ্ৰমিকসকলক সাক্ষাৎ কৰি প্ৰব্ৰজিত লোক সকলৰৰ কৰ্মসংস্কৃতিৰ বাবে সু-ব্যৱস্থা কৰাৰ প্ৰয়াস কৰা কৰে।
আনহাতে নিবনুৱা সমস্যা সমাধানৰ বাবে শ্ৰমিক সকলৰ মাজত এই জৰীপ চলোৱা হৈছে বুলি মণ্ডল পৰ্যায়ৰ বিষববীয়াই মত পোষণ কৰে। এই জৰীপে গ্রাম্য উন্নয়নত অধিক প্ৰসাৰ লাভ কৰিব।
যদিহে তেওঁলোকক আমি সঠিক ৰূপত আগুৱাই লৈ যাব পাৰো আৰু সকলো প্ৰকাৰে সহায়ৰ হাত আগ বঢ়াব পাৰো তেন্তে এয়া হ’ব গ্ৰাম্য উন্নয়নৰ এক সুন্দৰ নিদৰ্শন।
গ্ৰাম্য অঞ্চলত সকলোৱে যদি অতি নিষ্ঠাৰে হাঁহ, কুকুৰা, মৎস উৎপাদনকে ধৰি কেঁচা শাক পাচলিৰ উৎপাদন তথা ব্যৱসায় আৰম্ভ কৰে তেন্তে বিদেশলৈ বা বহিঃৰাজ্যলৈ কাম কৰিবলৈ ঢাপলি মেলাৰ প্ৰয়োজন নাই।
সেয়ে আমি ঘৰেগৈ শ্ৰমিক কোষৰ জৰীপ চলাই গ্ৰাম্য উন্নয়ন দিশটোৰ প্ৰতি লক্ষ্য ৰাখি এই অভিযান আৰম্ভ কৰিছোঁ বুলি মণ্ডল পৰ্যায়ৰ বিষয় ববীয়াই বক্তব্য প্ৰকাশ কৰে।