সদৌ অসম আদিবাসী ছাত্ৰ সন্থা (আছা) ৰ কেন্দ্ৰীয় সমিতিৰ এক সজাতি দলে দেওবাৰে মুখ্যমন্ত্ৰীৰ সভাকক্ষত জনতা ভৱনত আদিবাসী সকলৰ জনজাতিকৰণ মৰ্যাদা প্ৰদান কৰা সম্পৰ্কে বিতং আলোচনা হয় বুলি এক প্ৰেছ বিবৃতি যোগে আছাৰ কেন্দ্ৰীয় কমিটিয়ে অৱগত কৰিছে।
আছাৰ কেন্দ্ৰীয় কমিটিৰ সভাপতি প্ৰদীপ নাগ , নেত্ৰী লক্ষ্মী ওৰাং, সাধাৰণ সম্পাদক যোচেফ মিঞ্জ , উপ সভাপতি ৰেজন হৰো , সমৰেধৰো কিষ্কু , প্ৰচাৰ সম্পাদক মানচুখ ছানখাডিকা সমন্বিতে প্ৰায় ৩১/ ৩২ জনীয়া এটি প্ৰতিনিধি দলৰ সৈতে হোৱা আলোচনা কালত আদিবাসীসকলৰ মূল পৰিচয় উৰাং,মুণ্ডা ,চাওঁতাল ,খাড়ীয়া, চিকবড়াইক,প্ৰজা,কুড়ুমী, চাওৰা আদিৰ নিজ নিজ জাতি হিচাপে জাতিগত প্ৰমাণ পত্ৰ প্ৰদান কৰিব বাবে আহ্বান জনোৱা হয়।
আদিবাসী সকলৰ উন্নয়নৰ বাৱে সুকীয়া কৈ উন্নয়ন বোৰ্ড গঠন কৰিবলৈ ব্যৱস্থা গ্ৰহণ কৰিবলৈ আহ্বান জনোৱা হয় বুলি ৰেজন হৰোই জনাইছে । জনজাতিকৰণ সম্পৰ্কীয় দাৱীত আছাৰ মূল ইছ্যু বুলি কৈ শীঘ্ৰে জনজাতিকৰণৰ যি বিসংগতি আছে তাৰ শীঘ্ৰে সমাধান কৰি জনজাতিকৰণৰ মৰ্যাদা প্ৰদান কৰিবলৈ সভাপতি ই স্পষ্ট মত প্ৰকাশ কৰে ।
লগতে আদিবাসীসকলৰ বিভিন্ন সমস্যা সমূ্হৰ সমাধান বাৱে চৰকাৰে ব্যৱস্থা গ্ৰহণ কৰিবলৈ আশ্বাস দিয়ে।
মুখ্যমন্ত্ৰী ডঃ হীমন্ত বিশ্ব শৰ্মা দেবৰ আহ্বান মৰ্মে হোৱা এই ফলপ্ৰসূ আলোচনাত আদিবাসী সম্প্ৰদায়ৰ বিভিন্ন উন্নয়নমূলক বিষয় সম্পৰ্কে আলোচনা কৰা হৈছে ।
এই আলোচনা কালত মুখ্যমন্ত্ৰীৰ লগতে অসম মন্ত্ৰী সভাৰ মন্ত্ৰী ৰণোজ পেগু , অশোক সিংহল আৰু সঞ্জয় কিষাণ উপস্থিত আছিল ।