অসমৰ ক্ৰীড়া জগতলৈ এটা ভাল খবৰ।’বিশ্ব পেশাদাৰী বক্সিঙ’ত শেহতীয়াকৈ জিলিকি উঠিছে অসম সন্তান যোৰহাটৰ অভিজিৎ বৰুৱা।
উল্লেখ্য যে, অভিজিতে প্ৰথম অসমীয়া সন্তান হিচাপে প্ৰফেচনেল বক্সিঙৰ ক্ষেত্ৰখনত পদাৰ্পণ কৰি ইতিমধ্যে ‘৬৬-৬৯’ শাখাত দুখনকৈ খেলত জয়ী হৈ তৃতীয়খন আন্তঃৰাষ্ট্ৰীয় খেলৰ বাবে সাজু হৈছে।
লগতে পঢ়ক: বটদ্ৰৱা থানা আক্ৰমণৰ ঘটনাৰ অন্যতম অভিযুক্ত আশ্বিকুল ইছলাম আৰক্ষীৰ গাড়ীৰ খুন্দাত নিহত!
দিল্লীত অনুষ্ঠিত দুখনকৈ খেলত প্ৰথম ৰাউণ্ডতে বিপক্ষক ‘নক-আউট’ কৰি জয়ী হোৱাৰ পাছত এইবাৰ দক্ষিণ আফ্ৰিকাৰ তানজেনিয়াত জুন মাহৰ শেষৰ সপ্তাহত বিশ্ব প্ৰফেচনেল বক্সিঙৰ এখন অন্যতম খেলত অৱতীৰ্ণ হ’ব অভিজিৎ। তাকেলৈ এতিয়া সকলো উৎসাহিত হৈ পৰিছে।
ইপিনে অভিজিত বৰুৱাই যাতে অনাগত দিনবোৰত সফলতা লাভ কৰি অসম মাতৃক পুনৰ বিশ্বৰ বুকুত জিলিকাই তুলিব পাৰে তাৰ আশাৰে এইবাৰ অভিজিতৰ কাষত ঠিয় হৈছে সদৌ অসম ছাত্ৰ সন্থা।
লগতে পঢ়ক: আৰক্ষীৰ গুলীত আহত অভিযুক্ত চোৰাং চিকাৰী জাগিৰ; কি ক’লে বিশ্বনাথৰ আৰক্ষী অধীক্ষকে?
আছুৰ সাধাৰণ সম্পাদক শংকৰজ্যোতি বৰুৱাই অভিজিতৰ এই প্ৰতিভাক সন্মান জনাই তেওঁৰ সফলতা কামনাৰে নিজৰ লগতে সমূহ অসমবাসীক উদীয়মান খেলুৱৈগৰাকীক শুভেচ্ছা-আৰ্শীবাদ প্ৰদান কৰিবলৈ আহ্বান জনাইছে। লগতে তেওঁ আগুৱাই যোৱাৰ ক্ষেত্ৰত চৰকাৰখনকো সহায়ৰ হাত আগবঢ়াবলৈ আহ্বান জনাইছে।