সদৌ অসম ছাত্ৰসন্থাৰ আহ্বানমৰ্মে আজি গোলাঘাট জিলা ছাত্ৰ সন্থাই দ্ৰব্য- সামগ্ৰীৰ আকাশলঙ্ঘী মূল্য বৃদ্ধিৰ প্ৰতিবাদত এক পদযাত্ৰা বাহিৰ কৰে।
ছাত্ৰ সংগঠনটোৱে গোলাঘাট নগৰৰ মাজেৰে পদযাত্ৰা কৰি জিলা উপায়ুক্তৰ কাৰ্যালয়ৰ সন্মুখত প্ৰতিবাদ সাব্যস্ত কৰে।
অত্যাৱশ্যকীয় খাদ্য সামগ্ৰীৰ লগতে পেট্ৰলজাত সামগ্ৰীৰ দাম বৃদ্ধি হৈ শ ৰ ঘৰত চুবগৈ যদিও ৰাজ্য চৰকাৰৰ লগতে কেন্দ্ৰীয় চৰকাৰো মূল্যবৃদ্ধি নিয়ন্ত্ৰণ কৰাত চৰম ব্যৰ্থ হৈছে বুলি উল্লেখ কৰি অতি শীঘ্ৰে এই মূল্যবৃদ্ধি নিয়ন্ত্ৰণ কৰিবলৈ সকিয়নী প্ৰদান কৰে।
লগতে গোলাঘাটৰ যোগান বিভাগকো হুংকাৰ প্ৰদান কৰি কয় যে , যোগান বিভাগৰ অমনোযোগিতাৰ বাবেই জিলাখনৰ তিনিটাকৈ সমষ্টিৰ খাদ্য -সামগ্ৰীৰ দৰ-দামৰ তাৰতম্য ঘটিছে।
অনতিপলমে এই সকলো বিষয়ৰ ওপৰত উচিত ব্যৱস্থা গ্ৰহণৰ দাবী জনাই ছত্ৰ সংগঠনটোৱে।