গুজৰাটৰ আহমেদাবাদত অনুষ্ঠিত হোৱা অনুৰ্দ্ধ ১৪ বছৰ ৰাষ্ট্ৰীয় দবাত অসমৰ আভাস ৰম্য শইকীয়াই ৮.৫ পইণ্ট সংগ্ৰহ কৰি পঞ্চম স্থান অধিকাৰ কৰি অসমলৈ গৌৰৱ কঢ়িয়াই আনিছে। আভাসে ১১ ৰাউণ্ডৰ পৰা ৮.৫ পইণ্ট অৰ্জন কৰে।
কেৰেলাৰ জন ভেনী আক্কাৰাকৰনে ৯ পইণ্ট সংগ্ৰহ কৰি খিতাপ অৰ্জন কৰে।
মহাৰাষ্ট্ৰৰ গৌৰাং বাগাৱে ৯ পইণ্ট সংগ্ৰহ কৰি টাইব্ৰেক স্কৰৰ ভিত্তিত দ্বিতীয় স্থান অধিকাৰ কৰে।
তামিলনাডুৰ ইলামপাৰ্ঠী, ৰাজস্থানৰ য়শ ভাৰাদিয়া আৰু অসমৰ আভাস ৰম্য শইকীয়াই ৮.৫ পইণ্টকৈ সংগ্ৰহ কৰি ক্ৰমে তৃতীয়, চতুৰ্থ আৰু পঞ্চম স্থান অধিকাৰ কৰে।
আনহাতে অসমৰ আমেয়া গুপ্তা আৰু ছুজেন আহমেদে ৯মে পৰা ১৪ মে, ২০২২লৈ অন্ধ্ৰ প্ৰদেশৰ বিজয়ৱাড়াত অনুষ্ঠিত হোৱা অনুৰ্দ্ধ ৮ বছৰ (ছোৱালী)ৰাস্ত্ৰীয় দবাত ৭ পইণ্টকৈ সংগ্ৰহ কৰি ক্ৰমে একাদশ আৰু দ্বাদশ স্থান অধিকাৰ কৰে।
আভাস ৰম্য শইকীয়াই নগদ ৩৫০০০ টকা আৰু ছুজেন আৰু আমেয়াই ৪০০০ টকাকৈ পুৰস্কাৰ হিচাপে লাভ কৰে।
আভাস, আমেয়াক আৰু ছুজেন এই সাফল্যৰ বাবে সদৌ অসম দবা সন্থাই অভিনন্দন জনাইছে।
