গুজৰাটৰ বদগামৰ নিৰ্দলীয় বিধায়ক তথা ৰাষ্ট্ৰীয় দলিত অধিকাৰ মঞ্চৰ সমন্বয়ক জিগনেশ মেৱানীক এটা টুইট সন্দৰ্ভত বিটিচিৰ কাৰ্যবাহী সদস্য এজনৰ এজাহাৰৰ ভিত্তিত অসম আৰক্ষীয়ে গ্ৰেপ্তাৰ কৰা কাৰ্যত চৰকাৰৰ স্বৈৰাচৰী শাসনৰ বহিঃপ্ৰকাশ ঘটিছে।
এই অভিযোগ সদৌ বিটিএডি।সংখ্যালঘু ছাত্ৰ সন্থা চমুকৈ এবিএমছুৰ। এবিএমছুৰ সভাপতি আশ্ৰাফুল ইছলাম আৰু সাধাৰণ সম্পাদক টাইছন হুছেইনে আজি এক প্ৰেছ বিবৃতিত এই কথা উল্লেখ কৰি আৰু কয় যে, সমগ্ৰ দেশতে বৰ্তমান বিজেপি চৰকাৰে দলিত-সংখ্যালঘু, লাঞ্চিত -শোষিত- নিপীড়িত জনগণৰ অধিকাৰৰ হকে মাত মতাসকলৰ কণ্ঠ যিকোনো প্ৰকাৰে ৰুদ্ধ কৰিব বিচাৰিছে।
এই গ্ৰেপ্তাৰৰ জৰিয়তে চৰকাৰৰ জনবিৰোধী নীতিৰ বিৰুদ্ধে সংগ্ৰাম অব্যাহত ৰখা দল-সংগঠনৰ নেতৃত্বক ভয় খুৱাব বিচাৰিছে।
এয়া ভাৰতৰ গণতন্ত্ৰৰ বাবে শুভ লক্ষণ নহয় বুলি উল্লেখ কৰি শীঘ্ৰেই জিগনেশ মেৱানীক মুক্তি দিবলৈ বিবৃতিটোৰ জৰিয়তে এবিএমছুৰ নেতাদ্বয়ে দাবী উত্থাপন কৰে।
নিশাটোৰ ভিতৰতে গুজৰাটৰ পৰা জিগনেছ মেৱানীক গ্ৰেপ্তাৰ কৰি আনিবলৈ সক্ষম হোৱা অসম আৰক্ষীয়ে অসমত বিভিন্ন সময়ত বিভিন্ন উগ্ৰ সাম্প্ৰদায়িক মন্তব্যৰে অসমৰ সাতামপুৰুষীয়া সম্প্ৰীতিত আঘাত হনাৰ চেষ্টা কৰা ব্যক্তিসকলক কিয় গ্ৰেপ্তাৰ কৰিবলৈ ব্যৱস্থা গ্ৰহণ নকৰে বুলিও বিবৃতিটোৰ জৰিয়তে এবিএমছুৰ নেতাদ্বয়ে প্ৰশ্ন উত্থাপন কৰে।
