বলিউডৰ মোহময়ী অভিনেত্ৰী তথা পৰিৱেশকৰ্মী জুহি চাওলাই দিল্লী উচ্চ ন্যায়ালয়ত এক গোচৰ তৰিছে।
গোচৰটোৰ মতে, দেশখনত টেলিকমিউনিকেশ্বন ইণ্ডাষ্ট্ৰিয়ে পৰিকল্পনা কৰা ফাইভ-জি ৱায়াৰলেছ নেটৱৰ্কসমূহ (5G wireless networks) পৰিৱেশৰ বাবে ক্ষতিকাৰক।
ই দেশৰ নাগৰিক, জন্তু, উদ্ভিদৰ ক্ষতিসাধন কৰিব।
অধিবক্তা দীপক খোছলাৰ জৰিয়তে উত্থাপন কৰা বিষয়টো সন্দৰ্ভত ২ জুন তাৰিখে শুনানি গ্ৰহণ কৰা হ’ব।
অভিনেত্ৰীগৰাকীয়ে কয় যে এই ফাইভ-জি নেটৱৰ্কসমূহে পৰিৱেশতন্ত্ৰৰ বাবে ভাবুকিস্বৰূপ হৈ পৰিব কাৰণ ৰেডিঅ’ ফ্ৰেকুৱেন্সি ৰেডিয়েচন বৰ্তমানতকৈ ১০ৰ পৰা ১০০ গুণ বৃদ্ধি পাব।
গোচৰটোৰ জৰিয়তে টেলিকমিউনিকেচন কৰ্তৃপক্ষৰ পৰা ফাইভ-জি প্ৰযুক্তি সম্পৰ্কে নিশ্চিতি বিচৰা হৈছে।