Rakul Preet Singh summoned by ED ড্ৰাগছৰ বিতৰ্কই লগ এৰা নাই অভিনেত্ৰী ৰাকুল প্ৰীত সিঙক। সুশান্ত সিং ৰাজপুতৰ মৃত্যুৰ তাৰকা অভিনেত্ৰী ৰাকুল প্ৰীত সিং বলীউডৰ ড্ৰাগছ কেলেংকাৰীত নাম অহা নায়িকাসকলৰ মাজৰ এগৰাকী আছিল। এইবাৰ টলিউড (তেলেগু) উদ্যোগৰ ড্ৰাগছৰ গোচৰতো ৰাকুলে ৰেহাই পোৱা নাই। অভিনেত্ৰীগৰাকীক ড্ৰাগছ সম্পৰ্কীয় বিত্তীয় প্ৰৱঞ্চনাৰ গোচৰত ইডিয়ে মাতি পঠিয়াইছে।
ইডিৰ বিষয়াসকলে শুকুৰবাৰে কয় যে অভিনেত্ৰীগৰাকীক সোমবাৰে অৰ্থাৎ ১৯ ডিচেম্বৰত ইডিৰ বিষয়াসকলে সোধা-পোছা কৰিব।
লগতে পঢ়ক: সক্ৰিয় কিম জং-উন! নতুন অস্ত্ৰৰ বাবে অত্যাধুনিক ইঞ্জিনৰ পৰীক্ষা চলালে উত্তৰ কোৰিয়াই
ইয়াৰ পূৰ্বে ২০২১ চনৰ ৩ ছেপ্টেম্বৰত ৰাকুলক গোচৰটোত সোধা-পোছা কৰা হৈছিল। যোৱা চাৰি বছৰ ধৰি প্ৰৱৰ্তন সঞ্চালকালয়ে তেলেগু চলচ্চিত্ৰ উদ্যোগৰ ভিতৰত বিয়পি পৰা ড্ৰাগছ ৰেকেটৰ ৰহস্য উন্মোচন কৰিবলৈ চেষ্টা কৰি আহিছে।
২০১৭ৰ জুলাইত ড্ৰাগছ কেলেংকাৰী পোহৰলৈ আহিছিল। গায়ক কেলভিন মাশ্চেৰেনৰ পৰা প্ৰায় ৩০ লাখ টকাৰ ড্ৰাগছ উদ্ধাৰ কৰা হৈছিল। এলএছজি., এমডিএমএ-ৰ দৰে নিষিদ্ধ ড্ৰাগছ তেওঁৰ তাত পোৱা গৈছিল। গোচৰটোৰ ৰহস্য উন্মোচন কৰিবলৈ, ইডিয়ে ৰবি তেজা, নভদীপ, তানিশ, তৰুণ, মুমাইথ খান, ৰাণা দগ্গুবটিকে ধৰি বহুতো তাৰকাক জেৰা কৰিছে।
ইডিৰ বিষয়াই জানিবলৈ দিয়ে যে মুঠতে প্ৰায় ১২ টা গোচৰ ৰুজু কৰা হৈছে যাৰ ভিতৰত ১১ টা গোচৰত অভিযোগনামা দাখিল কৰা হৈছে। টলিউডৰ তাৰকাসকলক মুখ্যতঃ ৰাজসাক্ষী হিচাপে মতা হৈছে। অভিযোগনামাত অভিযুক্তৰ তালিকাত এই তাৰকাসকলৰ নাম নাই।
লগতে পঢ়ক: মহাবিদ্যালয়ৰ হোষ্টেলতে আত্মহত্যা অভিযান্ত্ৰিকৰ ছাত্ৰৰ; আৰক্ষীয়ে আৰম্ভ কৰিছে তদন্ত
ৰাকুল তেওঁৰ ব্যক্তিগত জীৱনৰ বাবে যোৱা কেইমাহমান ধৰি চৰ্চাত আছে। অভিনেতা-প্ৰযোজক জেকি ভাগনানিৰ সৈতে ৰাকুল এক সম্পৰ্কত আছে আৰু তেওঁ প্ৰেমৰ সম্পৰ্কৰ বিষয়ে মুকলিকৈ কৈছে।
