অগপৰ দ্বিতীয়খন তালিকা আজি প্ৰকাশ কৰা হৈছে। সেই অনুসৰি, ৮২ নং ৰহা সমষ্টিত বিষ্ণু দাস, ৬৮ নং দলগাওঁ সমষ্টিত হবিবৰ ৰহমান, ৪ নং কৰিমগঞ্জ দক্ষিণ আজিজ আহমেদ খান, ৮ নং আলগাপূৰ সমষ্টিত আপ্তবুদ্দিন লস্কৰ, ৯০ নং যমুনামুখত ছাদ্দিকুল্লা ভূঞা আৰু ২ নং পাথাৰকান্দিত ছাব্বিৰ আহমেদে প্ৰাৰ্থিত্ব লাভ কৰিছে।
উল্লেখযোগ্য যে, অসম গণ পৰিষদৰ প্ৰথম পৰ্যায়ৰ ৮ টা সমষ্টিৰ প্ৰাৰ্থী তালিকা যোৱা ৭ মাৰ্চৰ দিনা প্ৰকাশ পাইছিল।
বোকাখাতত প্ৰাৰ্থিত্ব লাভ কৰিছিল অতুল বৰা, কলিয়াবৰত কেশৱ মহন্ত, টীয়কত ৰেণুপমা ৰাজখোৱা, আমগুৰিত প্ৰদীপ হাজৰিকা, চাবুৱাত পোনাকণ বৰুৱা, নাওবৈছাত জয়ন্ত খাউণ্ড আৰু তেজপুৰত পৃথ্বিৰাজ ৰাভাই (বিষ্ণুৰাভাৰ পুত্ৰ) লাভ কৰিছিল অগপৰ প্ৰাৰ্থিত্ব।
যোৱা ৭ মাৰ্চৰ দিনা অগপত যোগদান কৰিছিল পৃথ্বিৰাজে। যোগদান কৰিয়েই টিকট লাভ কৰিছিল তেজপুৰৰ পৰা।
আনহাতে, জ্যেষ্ঠ অগপ নেতা বৃন্দাবন গোস্বামীক টিকটৰ পৰা বঞ্চিত কৰিছিল অগপই।
