আহমেদাবাদৰ এখন গহনা দোকানত লুটপাত কৰাৰ প্ৰচেষ্টা ব্যৰ্থ হ’ল এগৰাকী মহিলাৰ। কাৰণ লুটপাত কৰিবলৈ লোৱাৰ সময়তে চিনেমাৰ কায়দাত মহিলাগৰাকীক কৰায়ত্ত কৰে দোকানীগৰাকীয়ে।
আহমেদাবাদৰ ৰাণীপ অঞ্চলৰ এখন গহনা বিপণীত সংঘটিত হয় এই ঘটনা। মুখখন আংশিকভাৱে দুপাট্টাৰে ঢাকি ৰখা মহিলাগৰাকীয়ে গ্ৰাহকৰ অভিনয় কৰি দোকানীজনৰ চকুলৈ জ্বলকীয়াৰ গুৰি চটিয়াবলৈ চেষ্টা কৰে।
কিন্তু দোকানীজনে লগে লগে আক্ৰমণৰ পৰা হাত সাৰি মহিলাগৰাকীৰ হাতত ধৰি লয়। তাৰপিছত দোকানীগৰাকীয়ে প্ৰায় ২০ চেকেণ্ডতে ১৭টাকৈ চৰ সোধাই মহিলাগৰাকীক।
ইতিমধ্যে ভাইৰেল হৈ পৰিছে দোকানৰ চিচি টিভিত বন্দী হোৱা সমগ্ৰ ঘটনাৰ দৃশ্য।
আৰক্ষী অহাৰ পূৰ্বেই মহিলাগৰাকী পলায়ন কৰা বুলি জানিব পৰা গৈছে। ৰাণীপ আৰক্ষীয়ে চিচিটিভিৰ ভিজুৱেলৰ ভিত্তিত মহিলাগৰাকীৰ সন্ধানত অভিযান আৰম্ভ কৰিছে।
