আজি ফাগুনৰ প্ৰথমটো বুধবাৰে অসমৰ ভূমিপুত্ৰ মিচিংসকলৰ কৃষিভিত্তিক উৎসৱ আলি আই লৃগাং উদযাপন কৰা হয়।
সমগ্ৰ ৰাজ্যৰ লগতে শিৱসাগৰৰ দিচাংমুখৰ চুমনি গাঁৱতো পালন কৰা হয় আলি আই লৃগাং।
বাৰিষা অহাৰ লগে লগে কৃষি নিৰ্ভৰশীল মিচিংসকলে পালন কৰি আহিছে এই কৃষিভিত্তিক উৎসৱ আলি আইয়ে লৃগাং।
কৃষি পথাৰত কৃষিৰ বীজ ৰোপন কৰাৰ আৰম্ভণি উপলক্ষে মাংগলিক ৰীতি-নীতি আৰু ৰং-আনন্দৰ উৎসৱ।
সেয়েহে মাংগলিক ৰীতিৰে হাল বাই ৰখা পথাৰত ধানৰ বীজ ছটিয়াই নাঙল-জুঁৱলি লৈ এপাক ঘূৰি এখন সেউজীয়া সোণগুটিৰ পথাৰ কামনা কৰে কৃষিজীৱি মিচিংসকলে।
পৰম্পৰা অনুসৰি মিচিংসকলৰ আৰাধ্য দেৱতা ইন্দ্ৰ আৰু অন্যান্য দেৱতাসকলক সন্তুষ্ট কৰিবলৈ এনেদৰে কুকুৰা কণী উচৰ্গা কৰি সম্পন্ন কৰা মাংগলিক কৰ্মৰ পিচতে দিচাংমুখৰ চুমনি গাঁৱৰ ডেকা-গাভৰুসকলে এইদৰে গুমৰাগ নৃত্যত মতলীয়া হৈ পৰে।
মিচিং গাভৰুৰ মুখৰ ঐনিতম, ডেকাসকলৰ ঢোলৰ ছেৱত ডাঙৰৰ পৰা সৰুলৈ সকলো মতলীয়া হৈ পৰে।
