বিশ্বৰ প্ৰান্তে প্ৰান্তে এতিয়া নাৰী শক্তি জাগৰিত হৈছে।
সকলো ক্ষেত্ৰতে নাৰীয়ে পুৰুষৰ সমানে খোজ মিলাবলৈ সক্ষম হৈছে।
সৌসিদিনা ভাৰতত এখন ৰে’ল ড্ৰাইভাৰৰ পৰা আৰম্ভ কৰি গাৰ্ডলৈকে কেৱল মহিলাই চলোৱাৰ পিছত এইবাৰ কেৱল মহিলাই উৰুৱাই আনিব এখন বিমান এয়াৰ ইণ্ডিয়াৰ এই বিমান খনৰ পাইলটৰ পৰা আৰম্ভ কৰি পৰিচাৰিকালৈকে সকলোৱেই হ’ব মহিলা।
আজি ছানফ্ৰান্সিছকোৰ পৰা বাংগালুৰু অভিমুখে উৰা মাৰিবলগীয়া এটাৰ ইণ্ডিয়াৰ AI 176 বোয়িং 777-200LR বিমান খনৰ সকলো কৰ্মীয়েই মহিলা।
বিমান খনৰ ককপিটত পাইলটৰ আসনত বহিব কেপ্তেইন জয়া আগৰৱালা,কেপ্তেইন পাপাগাৰি থানমাই,কেপ্তেইন আকাংক্ষা সোনাৱাৰে আৰু কেপ্তেইন শিৱানী মানহাস।
এই নাৰী শক্তিয়ে আজি ছানফ্ৰান্সিছকোৰ পৰা এয়াৰ ইণ্ডিয়াৰ বিমান খন চলাই আনি ১১ জানুৱাৰীত বাংগালুৰুত উপস্থিত হ’ব।
১৭ ঘণ্টাৰ এই বিমান যাত্ৰাই হ’ব ভাৰতত মহিলাই দীৰ্গ দূৰত্বৰ বিমান চলোৱাৰ অভিলেখ।
উল্লেখযোগ্য যে বিশ্বৰ আন দেশৰ তুলনাত ভাৰততে সৰ্বাধিক মহিলা পাইলট আছে।
মহিলা পাইলটসকলে আন সতীৰ্থ পুৰুষ পাইলটৰ সৈতে ইমান দিনে বিমান চলাই আহিছে যদিও কেৱল মহিলাই বিমান চলোৱাৰ এয়াই হ’ব প্ৰথম ঘটনা।
