পুৱতি নিশা ঘৰত প্ৰৱেশ কৰি ধৰ্ষণ ৮৫ বছৰীয়া বৃদ্ধাক, ধৰ্ষকে ব্লেডেৰে কাটিলে ধৰ্ষিতাৰ ওঁঠ

দেশৰ ৰাজধানী দিল্লীত সংঘটিত হৈছে মানৱ সমাজক লজ্জানত কৰা এক কাণ্ড। পুৱতি নিশা এটা পাষণ্ডই এগৰাকী ৮৫ বছৰীয়া বৃদ্ধাৰ ঘৰত প্ৰৱেশ কৰি বৃদ্ধাগৰাকীক উপৰ্যুপৰি ধৰ্ষণ কৰে। শুকুৰবাৰে  সংঘটিত হয় এই চাঞ্চল্যকৰ ঘটনা।

দিল্লী মহিলা আয়োগৰ মুৰব্বী স্বাতী মালিৱালে টুইটাৰত এই ঘটনাৰ সম্পৰ্কে প্ৰতিক্ৰিয়া ব্যক্ত কৰিছে। দিল্লী আৰক্ষীৰ তথ্য অনুসৰি এই ঘটনাৰ অভিযোগত ইতিমধ্যে ২৮ বছৰীয়া এজন যুৱকক গ্ৰেপ্তাৰ কৰা হৈছে।

आज दिल्ली में इंसानियत तार तार हो गई !

शकुरपुर में सुबह 4 बजे 85 साल की अम्मा के साथ उनकी झुग्गी में घुसकर रेप किया गया। उनसे मिलके घाव देखके रूह काँप गई। 8 महीने की बच्ची या 85 साल की अम्मा, सब हैवानियत के शिकार हैं।

पुलिस को नोटिस जारी कर गिरफ़्तारी की माँग रखी है! pic.twitter.com/42U5C4E71U

— Swati Maliwal (@SwatiJaiHind) September 1, 2023

আৰক্ষীৰ সূত্ৰ অনুসৰি শুকুৰবাৰে পুৱা প্ৰায় ৪ বজাত সংঘটিত হয় এই ঘটনা। দিল্লীৰ নেতাজী সুভাষ প্লেচ অঞ্চলৰ বাসিন্দা বৃদ্ধাগৰাকী ঘৰতে শুই আছিল। সেই সময়ত অভিযুক্ত আকাশ নামৰ যুৱকজনে তেওঁৰ ঘৰত প্ৰৱেশ কৰি বৃদ্ধাগৰাকীক ধৰ্ষণ কৰে। 

অভিযোগ অনুসৰি অভিযুক্তই বৃদ্ধাগৰাকীক প্ৰহাৰ কৰে। লগতে ব্লেডৰে মহিলাগৰাকীৰ দুই ওঁঠ কাটি পেলায়। 

আৰক্ষীয়ে জনোৱা মতে, ঘটনাৰ এজাহাৰ লাভ কৰাৰ পিছতে তদন্ত আৰম্ভ কৰা হৈছে। ইতিমধ্যে অভিযুক্তক গ্ৰেপ্তাৰ কৰা হৈছে।