বুধবাৰে মহাকাশ কক্ষপথত এটা ত্ৰুটী ধৰা পৰে। নাছাক এটা ছেটেলাইট বিচ্ছিন্ন হোৱাৰ বিষয়ে অৱগত কৰা হৈছে। লগে লগে ঘোষণা কৰা হয় যে মহাকাশচাৰীসকলে সতৰ্কতামূলক ব্যৱস্থা হিচাপে আশ্ৰয় ল’ব লাগে।
মহাকাশযানখনত কাৰিকৰী ত্ৰুটী ধৰা পৰাৰ পিছত সুনীতা উইলিয়ামছ আৰু তেওঁৰ সহযাত্ৰী বেৰী বুচ উইলম’ৰক জৰুৰীকালীনভাৱে আশ্ৰয় লোৱাৰ নিৰ্দেশ দিয়া হয়। মিছন কন্ট্ৰ’লৰ সকলো ক্ৰু সদস্যক নিজৰ নিজৰ মহাকাশযানলৈ স্থানান্তৰিত হ’বলৈ নিৰ্দেশ দিয়া হৈছে।
এই নিৰ্দেশনা পোৱাৰ লগে লগে সুনীতা আৰু বেৰী বুচ উইলমৰে তেওঁলোকৰ ষ্টাৰলাইনাৰ কেপচুলত আশ্ৰয় লয়। মহাকাশচাৰীসকল নিৰাপদ আশ্ৰয়স্থললৈ যোৱাৰ পিছত প্ৰায় এঘণ্টা ধৰি এই পৰীক্ষা চলিছিল। লগতে এই সমস্যা সমাধান হোৱাৰ খবৰ পোৱা গৈছে।
লগতে পঢ়কঃ একেবাৰতে বহুত বাঢ়িল মোবাইল ৰিচাৰ্জৰ খৰচ! ৩ জুলাইৰ পৰা কাৰ্যকৰী হ’ব নতুন মূল্য
প্ৰথমে ২৬ জুনত সুনীতা আৰু উইলম’ৰ ঘূৰি অহাৰ খবৰ আহিছিল। কিন্তু এতিয়া জনা গৈছে যে এতিয়াৰ বাবে তেওঁলোকৰ উভতি অহাটো অনিশ্চিত। ফলত কল্পনা চাওলাৰ স্মৃতি ঘূৰি আহিছে।
নাছাৰ মতে আগন্তুক পাঁচ-ছয় দিনৰ ভিতৰত সুনীতাহঁতক ঘূৰাই আনিব পৰা যাব। সেইমতে, সুনীতাহঁত ২ বা ৩ জুলাইত ঘূৰি আহিব পাৰে।
মহাকাশচাৰীসকলে ৮ দিনৰ বাবে নিৰ্ধাৰিত অভিযানত গৈ তিনি সপ্তাহতকৈ অধিক সময় মহাকাশত আছে। ফলত ইন্ধন কমি আহিছে। আশংকা বাঢ়ি গৈছে। দাবী কৰা হৈছে যে আৰু মাত্ৰ ২৭ দিনৰহে ইন্ধন বাকী আছে। কেতিয়া ঘূৰি আহিব সেই সন্দৰ্ভত নাছাই একো কোৱা নাই যদিও ত্ৰুটী মেৰামতিৰ কাম চলি আছে।
লগতে পঢ়কঃ এজাক বৰষুণতে খহি পৰিল দেশৰ ৰাজধানীৰ আন্তঃৰাষ্ট্ৰীয় বিমান বন্দৰৰ টাৰ্মিনেলৰ চালি : তিনিজনৰ মৃত্যু
যোৱা ৭ জুনত সুনীতা উইলিয়ামছে আন্তঃৰাষ্ট্ৰীয় মহাকাশ কেন্দ্ৰলৈ ৰাওনা হৈছিল। উৎক্ষেপণৰ পিছতেই কেইবাটাও যান্ত্ৰিক দোষ ধৰা পৰে। নবীনসকলে সেই ভুলটো নিজেই শুই নোযোৱাকৈ মেৰামতি কৰে। সকলো বাধা অতিক্ৰম কৰি সুনীতা উইলিয়ামছে গন্তব্যস্থান পালেগৈ। ইয়াৰ মাজতে মহাকাশযান বয়িং ষ্টাৰলাইনাৰক লৈ বিতৰ্কৰ সৃষ্টি হৈছে।
