হায় পৰিৱৰ্তন! অহা বছৰৰ ১ জানুৱাৰীৰ পৰা জনতাৰ মূৰত মোডী চৰকাৰৰ আন এক মাধমাৰ, কি সেয়া?

জোতা-চেণ্ডেল, কাপোৰ কিনে যদি ১ জানুৱাৰীৰ আগতে কিনক, কিন্তু কিয়?

পৰিৱৰ্তনৰ নমুনাই এতিয়া অৱস্থা কাহিল কৰি পেলাইছে দেশৰ সাধাৰণ জনতাৰ। খাদ্য সামগ্ৰীকে ধৰি ইন্ধন, দৰৱ, গৃহ নিৰ্মাণত ব্যৱহৃত সামগ্ৰী সকলোতে এতিয়া আকাশলংঘী মূল্যবৃদ্ধি।

মূল্যবৃদ্ধি ৰোধ কৰাৰ বাবে মোদীৰ চৰকাৰে আজিলৈকে বিশেষ ফলপ্ৰসূ ব্যৱস্থা গ্ৰহণ কৰা পৰিলক্ষিত হোৱা নাই।

দেশৰ সাধাৰণ শ্ৰেণীৰ লোকসকলক মূল্যবৃদ্ধিয়ে এক প্ৰকাৰ আৰ্থিক ভাবে কোঙা কৰি পেলাইছে।

দুৰ্দশাগ্ৰস্ত জনতাৰ মূৰত পুনৰ মাধমাৰ শোধাবলৈ সাজু হৈছে পৰিৱৰ্তনৰ সপোন দেখুৱাই ক্ষমতাৰ ৰাজপাট দখল কৰা মোদীৰ চৰকাৰে।

অহা বছৰ অৰ্থাৎ ২০২২ চনৰ প্ৰথম দিনটোৰ পৰাই দেশত বৃদ্ধি পাব জোতা-চেণ্ডলকে ধৰি কাপোৰৰ দাম।

শেহতীয়াকৈ The Central Board of Indirect Taxes and Customs (CBIC) -এ জোতা-চেণ্ডেল আৰু বস্ত্ৰৰ ক্ষেত্ৰত থকা পূৰ্বৰ জিএছটিৰ পৰিমাণ দুগুণতকৈয়ো অধিক হাৰত বৃদ্ধি কৰিছে।

বৰ্তমান জোতা-চেণ্ডেল আৰু বস্ত্ৰৰ ক্ষেত্ৰত থকা জিএছটিৰ পৰিমাণ হৈছে ৫ শতাংশ।

কিন্তু ২০২২ চনৰ ১ জানুৱাৰীৰ পৰা সেই জিএছটি ১২ শতাংশলৈ বৃদ্ধি কৰা হ’ব। ফলত জোতা-চেণ্ডেল আৰু বস্ত্ৰৰ দাম জিএছটি বৃদ্ধিৰ লগে লগে অভাৱনীয় হাৰত বৃদ্ধি পাব।

সেয়ে জোতা-চেণ্ডেল, কাপোৰ কিনে যদি এতিয়াই কি থওঁক।

ইপিনে চৰকাৰৰ এনে সিদ্ধান্তক জন বিৰোধী সিদ্ধান্ত আখ্যা দিছে Clothing Manufacturers Association of India (CMAI)ই।

চৰকাৰৰ এনে সিদ্ধান্তই সাধাৰণ জনতাক ক্ষতিগ্ৰস্ত কৰিব বুলিও সংস্থাটোৰ তৰফৰ পৰা কোৱা হৈছে।