লাচিত দিৱসৰ দিনাই পৰীক্ষাৰ দিন ধাৰ্য্য কৰা বাবে সমালোচনাৰ সন্মুখীন হোৱা এ পি এছ চি অৱশেষত অহা ২৪ নৱেম্বৰত হ’ব লগীয়া সংযুক্ত প্ৰতিযোগিতামূলক পৰীক্ষাৰ অন্তৰ্গত প্ৰাৰম্ভিক পৰীক্ষা পিছুৱাই দিবলৈ বাধ্য হ’ল। আজি প্ৰকাশিত এখন জাননী যোগে অসম লোকসেৱা আয়োগে এই কথা জানিবলৈ দিছে।
জাননীখনত লগতে এই পৰীক্ষা আকৌ কেতিয়া পতা হ’ব সেই কথা নতুনকৈ পৰীক্ষাৰ্থীসকলক জনোৱা হ’ব বুলি উল্লেখ কৰিছে।
উল্লেখযোগ্য যে লাচিত দিৱসৰ দিনটোতে প্ৰাৰম্ভিক পৰীক্ষা পতাক লৈ অসন্তুষ্ট তাই আহোম যুৱ পৰিষদে ২০ নৱেম্বৰত এখন সংবাদমেল দি চৰকাৰ আৰু অসম লোকসেৱা আয়োগক সমালোচনা কৰিছিল।
লাচিত দিৱসটো ৰাজ্যিক বন্ধৰ দিন হিচাপে পালন কৰি অহা সত্ত্বেও আয়োগে পৰীক্ষা পতাৰ সিদ্ধান্ত কিয় ল’লে বুলি তাই আহোম যুৱ পৰিষদে প্ৰশ্ন উত্থাপন কৰিছিল।
“The Commission does not have any option but have to postpone the examination slated for 24.11.2018 as of now” এইদৰে কোৱা হয় আজিৰ পৰীক্ষা পিছুওৱা জাননীখনত।
তাৰোপৰি ইতিপূৰ্বে পৰীক্ষাৰ বাবে যোগ্য বিবেচিত হৈ থকা পৰীক্ষাৰ্থীসকলক নতুন তাৰিখৰ সৈতে পুনৰ e-admission certificate দিয়া হ’ব বুলি জানিবলৈ দিছে।