প’লেণ্ডত অনুস্থিত হ’বলগীয়া আন্তঃৰাষ্ট্ৰীয় যুৱ আৰ্চাৰী প্ৰতিযোগিতাৰ বাবে ভাৰতীয় দলত স্থান লাভ কৰিছে বোকাখাতৰ বিশাল চাংমাইয়ে ৷
অহা ৯ আগষ্টৰ পৰা ১৫ আগষ্টলৈকে প’লেণ্ডত অনুস্থিত হ’ব এই প্ৰতিযোগিতা ৷ বিশাল চাংমাই বোকাখাতৰ মিলনপুৰৰ নিৱাসী শান্তনু চাংমাই আৰু মমী চাংমাইৰ কনিষ্ঠ পুত্ৰ ৷
বোকাখাত উচ্চতৰ মাধ্যমিকৰ ছাত্ৰ বিশাল চাংমাইয়ে বিগত সময়ছোৱাত ৰাজ্যৰ লগতে ৰাষ্ট্ৰীয় আৰু আন্ত:ৰাষ্ট্ৰীয় পৰ্যায়ত নিজকে এজন ধনুৰ্ধৰ হিচাবে প্ৰতিষ্ঠা লাভ কৰিবলৈ সক্ষম হৈছে।
ৰাজ্যিক পৰ্যায়ৰ বিভিন্ন প্ৰতিযোগিতাত যোগ্যতা লাভৰ বিপৰীতে বিশালে ৬২ সংখ্যক ৰাষ্ট্ৰীয় স্কুল গেমছ আৰু ২০১৭ চনত অন্ধ্ৰ প্ৰদেশত অনুষ্ঠিত ১৪ বছৰৰ অনুৰ্ধ ৰাষ্ট্ৰীয় আৰ্চাৰী প্ৰতিযোগিতাত ৰূপৰ পদক লাভ কৰিবলৈ সক্ষম হৈছিল ৷
আন্ত: ৰাষ্ট্ৰীয় প্ৰতিযোগিতা ২০১৯ চনত বাংলাদেশত অনুষ্ঠিত তৃতীয় আন্ত:ৰাষ্ট্ৰীয় আৰ্চাৰী প্ৰতিযোগিতা ৰূপক পদক লাভ কৰাৰ উপৰিও উক্ত বৰ্ষতে মাদ্ৰিদত অনুষ্ঠিত আন্ত:ৰাষ্ট্ৰীয় যুৱ আৰ্চাৰী প্ৰতিযোগিতাত ভাৰতক প্ৰতিনিধিত্ব কৰিবলৈ সুযোগ লাভ কৰিছিল ৷
সম্প্ৰতি হাৰিয়ানাত প্ৰশিক্ষণ শিৱিৰত থকা বোকাখাতৰ বিশাল চাংমাইলৈ স্থানীয় বহ দল সংগঠনে শুভেচ্ছা জ্ঞাপন কৰিছে ৷
