নিৰ্বাচনৰ ফল ঘোষণালৈ মাত্ৰ এদিন বাকী থকা অৱস্থাত অৰুণাচল প্ৰদেশৰ পশ্চিম খুনচা বিধানসভাৰ সমষ্টিৰ এন পি পিৰ প্ৰাৰ্থী তথা বিধায়ক তিৰং আবহক তেওঁৰ সন্তানৰ সৈতে আজি দুপৰীয়া সন্দেহযুক্ত এন এছ চি এন (আই এম)-এ গুলীয়াই হত্যা কৰিছে।
ভয়ংকৰ আক্ৰমণটোত বিধায়ক অভয়ৰ উপৰি তেওঁৰ সৰু পুতেক, চালক, গৃহৰক্ষীকে ধৰি মুঠ ১১জন লোকৰ মৃত্যু হৈছে।
সূত্ৰসমূহে জনোৱা মতে বিধায়কজনে তেওঁৰ পৰিয়ালৰ সদস্যসকলৰ সৈতে এখন ছুভ গাড়ীৰে অসমৰ ডিব্ৰুগড়ৰ পৰা খুনচালৈ গৈ থকা অৱস্থাতে তিৰাপ জিলাৰ বগাপানী গাঁৱত পুৱা ১১.৩০ বজাত আক্ৰমণ সংঘটিত হয়, পিতা-পুত্ৰ দুয়োজনৰ ঘটনাস্থলীতে মৃত্যু হয়।
আনহাতে বিধায়কজনৰ এজন ব্যক্তিগত নিৰাপত্তাৰক্ষীক সংকটজনক অৱস্থাত চিকিৎসালয়ত ভৰ্তি কৰা হৈছে।
The NPP is extremely shocked and saddened by the news of the death of its MLA Shri Tirong Aboh (Arunachal Pradesh) and his family. We condemn the brutal attack and urge @rajnathsingh and @PMOIndia to take action against those responsible for such attack.
— Conrad Sangma (@SangmaConrad) May 21, 2019
বিধায়ক আবহক পশ্চিম খুনচা সমষ্টিৰ পৰা বিধানসভাৰ নিৰ্বাচনত প্ৰতিদ্বন্দ্বিতা কৰিছিল। নিৰ্বাচনৰ ফলাফল অহা ২৩ মে’ত ঘোষণা কৰা হ’ব।
বিশেষ সূত্ৰই জনোৱা মতে, তিৰং আবহক সশস্ত্ৰ বিদ্ৰোহী সংগঠনটোৱে এন পি পিৰ হৈ প্ৰচাৰ নচলাবলৈ পূৰ্বে ভাবুকি দিছিল।
সূত্ৰসমূহে ঘটনাটো এন এছ চি এন (আই এম)-এ সংঘটিত কৰাৰ সম্ভাৱনা প্ৰকাশ কৰিছে।
এই আক্ৰমণক এন পি পিৰ মুৰব্বী তথা মেঘালয়ৰ মুখ্য মন্ত্ৰী কনৰাড চাংমায়ে কঠোৰ ভাষাৰে গৰিহণা দিছে।