তামুলপুৰ মহকুমাৰ অন্তৰ্গত ভাৰত-ভূটান সীমান্তৰ কাউলীৰ হৰিণচ’ৰাত আজি বাক্সা জিলা আদিবাসী চেঙ্গেল অভিযান নামৰ।আদিবাসী সম্প্ৰদায়ৰ সংগঠনটোৰ উদ্যোগত এক প্ৰতিবাদী কাৰ্যসূচী ৰূপায়ন কৰা হয়।
আদিবাসী সকলৰ জনজাতিকৰণকে ধৰি বিভিন্ন সমস্যা সমাধানৰ দাবীত সংগঠনটোৱে বিগত সময়ত ৰূপায়ন কৰা আন্দোলনৰ কাৰ্যসূচী সমূহত সহযোগ নকৰা নিজ জনগোষ্ঠীয় ব্যক্তি সকলৰ বিৰুদ্ধে সংগঠনটোৱে সৰৱ হৈ পৰে আৰু তেওঁলোকক জাতিদ্ৰোহী আখ্যা দি তেওঁলোকৰ প্ৰতিমূৰ্তি দাহ কৰা পৰিলক্ষিত হয়।
কেন্দ্ৰীয় আদিবাসী চেঙ্গেল অভিযানৰ নিৰ্দেশ মৰ্মে আজি ৰাজ্যিক সমন্বয়ক বাজুম টুডুৱে প্ৰতিবাদস্থলীত সংবাদ মাধ্যমৰ আগত জানিব দিয়া অনুসৰি অঞ্চলটোৰ যিসকল মুখিয়াল ব্যক্তিয়ে চেঙ্গেল অভিযানৰ আন্দোলনৰ সময়চোৱাত সহায় সহযোগিতা আগবঢ়োৱা নাই বা আন্দোলনৰ বিপৰীত স্থিতি গ্ৰহন কৰি থকা দেখা গৈছে আজি তেওঁলোকৰ প্ৰতিমূৰ্তি দাহ কৰা হয়।
তেওঁ কয়- অসমৰ আদিবাসী সকলক শীঘ্ৰেই জনজাতিকৰন কৰা, ভাৰতত চলি থকা চৰ্ণা ধৰ্মৰ ক’লম কোড প্ৰদান কৰা আন্দোলন সমগ্ৰ ভাৰতবর্ষত চলি থকা সময়ত অসমৰ গাঁৱে ভূয়ে থকা একাংশ লোকৰ অমনোযোগিতা দেখা গৈছে।
সেই বাবে আজি নিজৰ জনগোষ্ঠীৰ একাংশ লোকৰ বিৰুদ্ধে এনে ধৰণৰ কাৰ্যসূচী ৰূপায়ন কৰা হয় বুলি ব্যক্ত কৰে।
আজিৰ এই প্ৰতিবাদী কাৰ্যসূচীত আদিবাসী চেঙ্গেল অভিযানৰ বাক্সা জিলা সমিতিৰ সভাপতি চিদল মুৰমু মূৰ্মু, মহিলা মৰ্চাৰ প্ৰমিলা টুডু, মাঝি পাৰগনাৰ ৰঘু কিচকু, অসম প্ৰদেশ সমিটিৰ সমন্বয়ক বাজেন টুডু সহিতে প্ৰায় দুই শতাধিকৰো অধিক লোক উপস্থিত থাকে।
